ტექნიკური პრობლემის ქონის გამო კრიშტიანუ რონალდუს კერძო თვითმფრინავი ბარსელონაში ავარიულად დაჯდა, შემთხვევა ორშაბათ საღამოს მოხდა. ადგილობრივი მედიის ცნობით როგორც ჩანს, რონალდოს თვითმფრინავს Gulfstream G200-ს აფრენისას პრობელემები შეექმნა და პილოტს მისი ავარიულად დაშვება მოუწია. აეროპორტის წარმომადგენლებს მოუწიათ ერთი ასაფრენი ბილიკის მთლიანად ჩაკეტვა. თვითმფრინავში თავად რონალდუ და მისი ოჯახი არ იმყოფებოდნენ. მან თვითმფრინავი რამდენიმე ხნის წინ, სხვა კომპანიას მიაქირავა. 2015 წელს, პორტუგალიელმა ფეხბურთელმა აღნიშნულ თვითმფრინავში 19 მილიონი ევრო გადაიხადა და ის 2015 წელს ლონდონში ოჯახის გადასაფრენად გამოიყენა, სადაც მასზე გადაღებული დოკუმენტური ფილმის პრემიერას უნდა დასწრებოდნენ.