ოპეკ-ის წევრი სახელმწიფოები ნავთობის მოპოვების მოცულობის შემცირებაზე შეთანხმდნენ

მსოფლიო - 13:04, 29 Sep, 2016

2783

ნავთობის ექსპორტიორი ქვეყნების ორგანიზაციის, ოპეკ-ის წევრი სახელმწიფოები ნავთობის მოპოვების მოცულობის შემცირებაზე შეთანხმდნენ.

ამის შესახებ ნიგერიისა ნავთობის მინისტრმა ემანუელ კაშიკვუმ განაცხადა.

ნავთობის მოცულობაზე მიღწეულ შეთანხმებაზე ირანის ნავთობის მინისტრმა, ბიჯან ზანგანემაც
ისაუბრა.
„ოპეკ-მა დღეს განსაკუთრებული გადაწყვეტილება მიიღო. 2,5 წლის შემდეგ მივაღწიეთ კონსენსუს, თუ როგორ უნდა ვმართოთ ბაზარი“ - განაცხადა ირანის ნავთობის მინისტრმა .

მიღწეული შეთანხმებით, ორგანიზაციის წევრი ქვეყნების მიერ ნავთობის მოპოვება დღეში 32,5-33 მილიონ ბარელამდე შემცირდება.

ამჟამად, ეს მაჩვენებელი 33,24 მილიონ ბარელს შეადგენს.
ბოლოს ოპეკ-ის წევრები ნავთობის მოპოვების მოცულობის შემცირებაზე 2014 წელს შეთანხმდნენ, როცა ნავთობის ფასი მკვეთრად დაეცა. 2014 წლის ივლისში Brent-ის მარკის ნავთობის ფასმა 100 დოლარს გადააჭარბა. ამჟამად ნავრობი თითქმის ორჯერ იაფია.

ოპეკის წევრები შეთანხმებას საუდის არაბეთის პოზიციის გამო ვერ ახერხებდნენ. ოფიციალური ერ-ერიადი ითხოვდა, "შავი ოქროს" წარმოება შეემცირებინა ირანსაც, რომელიც სანქციების შემდეგ მსოფლიო ბაზარს დაუბრუნდა. როგორც „როიტერსი“ წერს, საუდის არაბეთმა საკუთარი პოზიცია შეარბილა.

მიუხედავად იმისა, რომ რუსეთი ოპეკის წევრი არ არის, როგორც მსოალოდნელია, ნავთობის მოპოვების შემცირების გადაწყვეტილებას რუსეთიც მიიღებს. შესაბამისი გადაწყვეტილება რუსეთის ენერგეტიკის მინისტრმა ალექსანდრ ნოვაკმა დააანონსა.
აღნიშნული შეთანხმების შემდეგ ნავთობის ფასი 5%-ით გაიზარდა.