ამერიკის შეერთებული შტატების სენატმა ბარაკ ობამას ვეტო დაძლია.

საუბარია კანონპროექტზე, რომელიც 11 სექტემბრის ტერაქტში დაღუპულთა ოჯახებს საშუალებას მისცემს საუდის არაბეთის ხელისუფლებას მომხდართან კავშირის გამო უჩივლოს.

ბარაკ ობამას 8 წლიანი პრეზიდენტობის მანძილზე, ეს პირველი ვეტოა რომელიც სენატმა დაძლია.

ვეტოს დადებით, ბარაკ ობამა საუდის არაბეთის მიმართ არსებულ ბრალდებებს უსაფუძვლოდ მიიჩნევდა.

კონგრესის გადაწყვეტილებით, კანონპროექტი ძალაში შევა.

11 სექტემბრის ტერაქტის შემსწავლელმა კომისიამ ძიების პროცესში საუდის არაბეთის მთავრობის მხრიდან ტერორისტული ორგანიზაციის დაფინანსების კვალი ვერ დაადასტურა, თუმცა არ გამორიცხა ზოგიერთი ოფიციალური პირის კავშირი ტერაქტთან.

საუდის არაბეთის ხელისუფლებამ არაერთხელ უარყო აშშ-ში 2001 წლის 11 სექტემბერს განხორციელებულ ტერაქტებში რიამე როლი.

თეორია, 9/11-თან ერ-რიადის შესაძლო კავშირის შესახებ იმ ფაქტმა განაპირობა, რომ ავიალაინერების გამტაცებელი 19 ტერორისტიდან 15 საუდის არაბეთის მოქალაქე იყო.

მსხვერპლთა ნათესავები ცდილობდნენ საუდის არაბეთის სამეფო ოჯახის, ასევე იმ ბანკებისა და საქველმოქმედო ორგანიზაციების წინააღმდეგ სარჩელის შეტანას, რომლებიც ისლამისტების დაფინანსებაში არიან ეჭვმიტანილი. თუმცა მცდელობა წარუმტებელი აღმოჩნდა, რადგან 1976 წელს მიღებული კანონის თანახმად, აშშ-ში სხვა ქვეყნებს ამერიკული სასმართლოების დევნისგან იმუნიტეტი იცავს.

სენატის მიერ დამტკიცებული კანონპროექტი კი ითვალისწინებს, რომ ხელშეუხებლობით ვეღარ ისარგებლებენ ის ქვეყნები, რომლებიც პასუხისმგებლები არიან აშშ-ის ტერიტორიაზე განხორციელებულ ტერაქტებზე, რის შედეგადაც ხალხი დაიღუპა.