კოლუმბიის პრეზიდენტმა და დაჯგუფება "ფარკმა" ისტორიულ სამშვიდობო შეთანხმებას მოაწერეს ხელი

მსოფლიო - 14:34, 27 Sep, 2016

2423

პირველად, კოლუმბიის ისტორიაში ქვეყნის პრეზიდენტმა და ამბოხებულთა დაჯგუფება“კოლუმბიის რევოლუციური შეიარაღებული ძალების” (“ფარკი”) ლიდერმა, 50 წლიანი დაპირსიპირების შემდეგ ერთმანეთს ხელი ჩამოართვეს.
კოლუმბიის პრეზიდენტმა ხუან მანუელ სანტოსმა და "ფარკის" ლიდერმა ტიმოლეონ ხიმენესმა, ისტორიულ სამშვიდობო შეთანხმებას მოაწერეს ხელი .

"ბიბისის" ცნობით, ამბოხებულთა ლიდერმა დოკუმენტს ვაზნისგან გაკეთებული კალმით მოაწერა ხელი. დოკუმენტის ხელმოწერის ცერემონიალის ყველა მონაწილეს სიმბოლურად თეთრი ტანსაცმელი ეცვა.

სამშვიდობო მოლაპარაკებები კოლუმბიის მთავრობასა და ამბოხებულებს შორის ოთხ წელზე მეტ ხანს გრძელდებოდა.

კომპრომისის მიღწევა კი ისეთი საკითხებით მოხერხდა, როგორიცაა მიწის რეფორმა, დაჯგუფების განიარაღება, ამბოხებულების ინტეგრაცია ქვეყნის პოლიტიკურ ცხოვრებაში, გარდა სერიოზულ სამხედრო დანაშაულში მონაწილე პირებისა და სხვა.

კოლუმბიის მთავრობასა და ამბოხებულებს შორის ნახევარსაუკუნოვან კონფლიქტს 220 ათასამდე ადამიანი ემსხვერპლა, მილიონობით ადამიანმა კი საცხოვრებელი სახლი მიატოვა.

შედეგად, ევროკავშირმა "ფარკი" ტერორსტული ორგანიზაციების სიიდან ამოიღო.

გადაწყვეტილება საბჭოს ოფიციალურ ჟურნალში უკვე გამოქვეყნდა. შესაბამისად, დაჯგუფების წერვების წინააღმდეგ დაწესებული ევროკავშირის სანქციები გაუქმდა.

ევროკავშირმა დაჯგუფება "ფარკი" ტერორისტული ორგანიზაციების სიაში 2002 წლის ივნისში შეიყვანა.