ფაშიზმზე გამარჯვების 68-ე წლისთავთან დაკავშირებით, ხვალ, 9 მაისს საქართველოს რეგიონული განვითარებისა და ინფრასტრუქტურის მინისტრი დავით ნარმანია და მისი მოადგილე შოთა მურღულია საქართველოს რეგიონებს ესტუმრებიან, სადაც დაგეგმილ ღონისძიებებში მიიღებენ მონაწილეობას და ომის ვეტერანებს ფაშიზმზე გამარჯვების დღეს მიულოცავენ.

9 მაისს დილით, 10:30 საათზე მინისტრი დავით ნარმანია, საავტომობილო გზების დეპარტამენტის წარმომადგენლებთან ერთად, მეორე მსოფლიო ომის ვეტერან, მეგზევე გუძუ ბოლოთაშვილს სახლში ესტუმრება და ფაშიზმზე გამარჯვების დღეს მიულოცავს (მედიის შეკრების ადგილი 10:00 საათი - სამინისტრო)

ამის შემდეგ, მინისტრი გორს ესტუმრება და 12:00 საათზე ომში დაღუპულთა მემორიალთან დაგეგმილ ღონისძიებაში მიიღებს მონაწილეობას.

ხვალვე, 10:00 საათზე მინისტრის მოადგილე შოთა მურღულია, ადგილობრივ ხელისუფლებასთან ერთად, ფოთში გმირთა მემორიალთან მეორე მსოფლიო ომის მონაწილეებს ფაშიზმზე გამარჯვების დღეს მიულოცავს.

ამის შემდეგ მინისტრის მოადგილე ზუგდიდს ესტუმრება და 13:00 საათზე ზუგდიდის რაიონის სოფელ აბასთუმანში ომში დაღუპული გმირის მემორიალთან დაგეგმილ ღონისძიებაში მიიღებს მონაწილეობა