ნიუ-იორკში ჰილარი კლინტონისა და დონალდ ტრამპის პირველი პირდაპირი დებატები გაიმართა

მსოფლიო - 10:57, 27 Sep, 2016

2951

ნიუ-იორკში აშშ-ის პრეზიდენტობის კანდიდატების, "დემოკრატებიდან" ჰილარი კლინტონისა და "ღესპუნლიკელებიდან" დონალდ ტრამპის პირველი პირდაპირი დებატები გაიმართა.

90-წუთიანი დებატების დროს კანდიდატებმა აშშ-ის უსაფრთხოების საკითხები, ქვეყნის განვითარება და ეკონომიკის გაძლიერების საკითხები განიხილეს, დებატები კი გადასახადებზე კამათით დაიწყეს.

ჰილარი კლინტონის თქმით, დონალდ ტრამპი ვლადიმერ პუტინის მიმართ დადებითად არის განწყობილი.

კლინტონის განცხადებით, აშშ-ის სახელმწიფო დაწესებულებებსა და დემოკრატიულ პარტიაზე განხორციელებული კიბერთავდასხმების უკან სწორედ რუსეთი დგას.

ტრამპმა კი განაცხადა, რომ კიბერშეტევის უკან არა რუსეთი, არამედ შესაძლოა ჩინეთი ან სხვა რომელიმე ქვეყანა დგას.

„ჩვენ დავიცავთ ჩვენი ქვეყნის მაცხოვრებლებს და რუსეთმა ეს უნდა გაიგოს.

დონალდი ძალიან კარგად საუბრობს პუტინზე... გაოცებული ვიყავი, რიდესაც მან საჯაროდ მოუწოდა პუტინს, აშშ-ის მოქალაქეების შესახებ ინფორმაციის მოპარვა“ - განაცხადა ჰილარი კლინტონმა, მასთან დაკავშრებული იმეილ სკანდალზე საუბრისას. მაშინ ტრამპმა პუტინს მოუწოდა, დახმარებოდა იმ 30 ათასი ელექტრონული წერილის ძებნაში დახმარებოდა, რომელიც კლინტონმა საკუთარი პირადი ფოსტის ანგარიშიდან წაშალა.

ტელეკომპანია CNN-ის ჩატარებული გამოკითხვის თანახმად, დებატების გამარჯვებულადგამოკითხულთა 62% მიიჩნევს, ტრამპს კი 27%.

„ბიბისისი“ კორესპოდენტის განცხადებითაც, დებატების დასაწყისიდანვე ჰილარი კლინტონი დომინირებდა.