საქართველოს უზენაესი სასამართლოს სტატისტიკის ელექტრონული მოდული შეიქმნა.

სამართალი - 16:05, 25 Oct, 2012

487

და დაფინანსებულია ამერიკის შეერთებული შტატების საერთაშორისო განვითარების სააგენტოს (USAID) მიერ აღმოსავლეთ-დასავლეთის მართვის ინსტიტუტის (EWMI) მეშვეობით. ღონოსძიება გახსნა ინფორმაციის თავისუფლების განვითარების ინსტიტუტის წარმომადგენელმა გიორგი კლდიაშვილმა და ევრაზიის თანამშრომლობის ფონდის წარმომადგენელმა ქეთევან ვაშაკიძემ.პროექტი მოიცავდა საქართველოს სასამართლო ხელისუფლების ორგანოთა სისტემის ელექტრონული რესურსების მონიტორინგის და სასამართლო სფეროს მუშაობასთან დაკავშირებული სხვადასხვა სტატისტიკური მონაცემების ვიზუალიზაციის გზით საქართველოს სასამართლო სისტემის მუშაობის გამჭირვალობისა და ანგარიშვალდებულების, სასამართლო სისტემაში არსებული საჯარო ინფორმაციის ხელმისაწვდომობის გაზრდას. მონიტორინგი შედეგად გამოვლინდა, რომ საქართველოს სასამართლო ხელისუფლების 41 ორგანოდან ოფიციალური ვებ-გვერდი მხოლოდ 16-ს გააჩნია, რომლებიც ელ-გამჭირვალობის შეფასeბის კუთხით ნაკლებად ინფორმაციულია მომხმარებლისთვის, ხოლო ტექნიკური გამართულობის ინდექსით არ შეესაბამება თანამედროვე ვებ-სტანდარტებს. კვლევამ აჩვენა, რომ ვებ-გვერდებზე ყველაზე ნაკლებად სასამართლოების ფინანსური ინფორმაციაა წარმოდგენილი და ხელმისაწვდომი. ამ პრობლემების გადასაჭრელად, პროექტის ფარგლებში გაიმართა კონსულტაციები სამართლის სპეციალისტებთან, განხორციელდა საქართველოსა და უცხოეთის 11 ქვეყნის შედარებითი ანალიზი და საერთაშორისო პრაქტიკის გათვალისწინებით დაგდინდა საქართველოს სასამართლოების ვებ-გვერდზე პრაქტიკულად გამოსაქვეყნებელი საჯარო ინფორმაციის სტანდარტი. ინფორმაციის თავისუფლების განვითარების ინსტიტუტმა მოახდინა სასამართლო სტატისტიკის ელექტრონული მოდულის პრეზენტირება,რომელიც მომხმარებლისთვის ხელმისაწვდომია საქართველოს უზენაესი სასამართლოს ოფიციალურ ვებ-გვერდზე: www. supremecourt.geვებ-გვერდის გასაუმჯობესებლად განხორციელდა სისტემაში არსებული სტატისტიკური და დინამიური ინფორმაციის კატეგორიზაცია და ვიზუალიზაცია,რაც საკმაოდ აღქმადს ხდის დიდი მოცულობის ინფორმაციას და მომხმარებელს მონაცემების ურთიერთშედარების საშუალება ეძლევა.