ბრანჯელინას გაყრა - ბრედ პიტის და ანჯელინა ჯოლის დაშორების მიზეზი გაერო გახდა?!

ეს საინტერესოა - 16:23, 26 Sep, 2016

14636

უცხოურ მედიაში ანჯელინა ჯოლის და ბრედ პიტის დაშორების რამდენიმე ვერსია ვრცელდება. როგორც TMZ წერს, ამ ვერსიებს შორის არის ბრედ პიტის მიერ განხორციელებული ძალადობა მათი ნაშვილები შვილის მედოქსის წინააღმდეგ. აღნიშნული ინციდენტი კერძო თვითმფრინავის ბორტზე მოხდა. ასევე ვერსია იმის შესახებაც, რომ ანჯელინა ჯოლის გაყრის გადაწყვეტილების მიღება, ბრედ პიტის მარიხუანასთან და ალკოჰოლზე დამოკიდებულებამ აიძულა.

TMZ-ის ასევე წერს კიდევ ერთი მიზეზის შესახებაც, რომელმაც ბრანჯელინას დაშორება გამოიწვია, ამჯერად „დამნაშავე“ მხარე ანჯელინა ჯოლია, რომელიც „შეპყრობილი“ იყო სურვილით, რომ გაერთიანებული ერების ორგანიზაციის ხელმძღვანელი პირი გამხდარიყო.

გაყრას სათავე ანჯელინა ჯოლის სირიაში მოგზაურობამ ჩაუყარა. ბრედ პიტის თქმით, ისეთ ცხელ წერტილებში წაყვანით, როგორიცაა ლიბანი და ერაყი, ანჯელინა საკუთარი შვილების სიცოცხლეს საფრთხის ქვეშ აყენებდა .

მიუხედავად იმისა, რომ ანჯელინა ჯოლი ირწმუნებოდა, რომ ყველა პირობა არსებობდა იმისათვის, რომ მათი 6 შვილის უსაფრთხოება დაცული ყოფილიყო, (არსებობდა ჯგუფი, რომელიც სპეციალურად ამას უზრუნველყოფდა), ბრედ პიტის აზრით ეს საკმარისი არ იყო.

მორიგმა ასეთმა მოგზაურობამ სირიაში, წყვილს შორის დაძაბულობის ახალი ტალღა გამოიწვია. ბრედ პიტი მათი შვილების იქ წაყვანას კატეგორიულად ეწინააღმდეგებოდა.

ანჯელინა ჯოლი გაერთიანებული ერების ორგანიზაციასთან 15 წელზე მეტია, რაც თანამშრომლობს. ის 2001 წლიდან მოყოლებული კეთილი ნების ელჩის მისიას ასრულებს. 2012 წლის აპრილში კი გაეროს ლტოლვილთა საკითხების უმაღლესი კომისარიატის სპეციალურ წამომადგენლად დააწინაურეს.