აშშ-მ, ბრიტანეთმა და გერმანიამ გაეროს უშიშროების საბჭოს საგანგებო სხდომა მოიწვიეს. სხდომა დღეს ნიუ-იორკში, ადგილობრივი დროით 10:00-ზერ გაიმართება. სხდომა სირიის ქალაქ ალეპოში შექმნილ ვითარებას მიეძღვნება, სადაც ამჟამად სისხლისმღვრელი ბრძოლები მიმდინარეობს.

ფრანს პრესის ცნობით, გაეროს გენერალური მდივანი პან გი მუნი განსაკუთრებულ შეშფოთებას დიდი კალიბრისა და ცეცხლგამჩენი ბომბების გამოყენების გამო გამოთქვამს.

ბაშარ ასადის არმიის განცხადებით, ხელისუფლება ყველა ღონეს იხმარს, რათა ალეპო, რომელიც ოპოზიციური დაჯგუბებების ხელშია, საკუთარ კონტროლს დაუქვემდებაროს. ერთი დღის განმავლობაში ბრძოლებს 45 მშვიდობიანი მოქალაქე შეეწირა, არის ასობით დაჭრილი.