ექვსი წლის ამერიკელმა ბიჭმა აშშ-ის პრეზიდენტს ბარაკ ობამას წერილი გაუგზავნა, რომელშიც პრეზიდენტს ალეპოს დაბომბვისას დაშავებული სირიელი ბავშვის პოვნას და მის აშშ-ში ჩაყვანას სთხოვს.

ნიუიორკში მცხოვრებმა ალექსმა პრეზიდენტს წერილი მას შემდეგ გაუგზავნა, რაც ომრანის ფოტომ სრულიად ინტერნეტი მოიცვა და მსოფლიო შეძრა.

“ძვირფასო პრეზიდენტო ობამა, გახსოვთ ბიჭი, რომელიც სირიაში სასწრაფო დახმარების მანქანაში ზის? შეგიძლიათ, იპოვოთ და ჩვენს სახლში მოიყვანოთ? ჩვენ დაგხვდებით დროშებით, ყვავილებითა და ბუშტებით. ჩვენ მას ოჯახს მივცემთ და ის ჩვენი ძმა იქნება” -წერს ექვსი წლის ალექსი.

პრეზიდენტმა ობამამ ალექსის წერილი ლტოლვილთა საკითხისადმი მიძღვნილ გაერო-სსამიტზე წაიკითხა.

“ჩვენ უფრო მეტად უნდა დავემსგავსოთ ალექსს” - განაცხადა ობამამ.

ალექსის წერილი თეთრის სახლის ოფიციალურ გვერდზე გამოქვეყნდა.