ნიუ-იორკის აფეთქების მოწყობაში ეჭვმიტანილს ახალი ბრალდებები წაუყენეს

მსოფლიო - 10:30, 21 Sep, 2016

1744

ნიუ იორკში, მანჰენეტზე მომხდარ აფეთქებასთან კავშირში ეჭვმიტანილ 28 წლის აჰმად ხან რაჰამის შშ-ის პროკურატურამახალი ბრალდებები წაუყენა. ნიუ-იორკსა და ნიუ-ჯერსიში ადამიანების მკვლელობის მცდელობის გარდა, მას ბრალი მასობრივი განადგურების იარაღის გამოყენებასა და საკუთრების განადგურებაშიც დება.
რაჰიმი ეთნიკურად ავღანელი აშშ-ის მოქალაქეა, რომელიც ნიუ ჯერსიში ცხოვრობდა.

თავად რაჰამი საავადმყოფოში იმყოფება. ის მისი აყვანის სპეცოპერაციის დროს, ორმხრივი სროლისას დაიჭრა.

აღსანიშნავია, დღეს AP-მა გაავრცელა ინფორმაცია, რომ რაჰამის მამამ 2014 წელს აშშ-ის სამართალდამცავებს მიმართა, რათა მისი შვილისთვის ყურადღება მიექციათ. გამოცემის თქმით, როგორც ეჭვმიტანილის მამა ამბობდა, მის შვილს ექსტრემისტებთან გაერთიანების საფრთხე ემუქრებოდა, თუმცა შემდეგ საკუთარი სიტყვები უარყო.

შეგახსენებთ, 17 სექტემბერს, ნიუ იორკის ჩელსის რაიონში მომხდარი აფეთქების შედეგად 29 ადამიანი დაშავდა.აფეთქებას ტერაქტის კვალიფიკაცია მიენიჭა. თუმცა, ჯერჯერობით არ არსებობს აფეთქების რომელიმე ტერორისტულ დაჯგუფებასთან კავშირის ფაქტები.

ასაფეთქებელი მოწყობილობა ნაგვის ურნაში იყო მოთავსებული. აფეთქების მახლობლად სამართალდამცავებმა მეორე, აუფეთქებელი ბომბიც აღმოაჩინეს.

მეორე დღესვე, აშშ-ის ნიუ ჯერსის შტატში ხუთი ხელთნაკეთი ასაფეთქებელი მოწყობილობა აღმოაჩინეს.

ადგილობრივი მედიის ცნობით, მოქალაქებ სამართალდამცავებს შეატყობინა, რომ ნიუ ჯერსის მეტროპოლიტენის სადგურზე, ნაგვის ურნაში საეჭვო ზურგჩანთა შენიშნა.

ადგილზე მისვლისას, პოლიციამ ზურგჩანთაში ასაფეთქებელი მოწყობილობები აღმოაჩინა.

ერთ-ერთი ბომბი მაშინ ამოქმედდა, როდესაც გამნაღმველები მის გაუვნებელჰყოფას დისტანციურად ცდილობდნენ. აფეთქებას მსხვერპლი არ მოჰყოლია.

NBC წყაროზე დაყრდნობით ირწმუნება, რომ ნაპოვნი ბომბები იმ ბომბის იდენტურია, რომელიც შაბათს ნიუ იორკში, მანჰეტენზე აფეთქდა.

ამერიკული მედიის ინფორმაციით, ბომბი, რომელიც შაბათს ნიუ იორკში აფეთქდა, ასევე ნაპოვნი აუფეთქებელი ბომბი, იმ ასაფეთქებელი მოწყობილობის იდენტურია, რომელიც 2013 წელს, ბოსტონის მარათონის დროს ტერორისტებმა აამოქმედეს.

ამერიკული მედიის ცნობით, გამოძიებამ დაადგინა, რომ ორივე ბომბის შემთხვევაში, დეტონატორად გამოყენებული იყო მობილური ტელეფონები და ქუჩის დეკორატიული განათებები.

შეგახსენებთ, ტერაქტი ბოსტონში 2013 წელს, მარათონის დროს მოხდა. ორი ასაფეთქებელი მოწყობილობა დისტანციურად ფინიშის ხაზთან ააფეთქეს. ბოსტონის ტერაქტს 3 ადამიანი ემსხვერპლა, 260 კი დაშავდა.