ჯიმ კერის ყოფილი შეყვარებულის თვითმკვლელობამდე მიყვანაში ადანაშაულებენ და სასამართლოში უჩივიან

ეს საინტერესოა - 12:21, 20 Sep, 2016

4312

ლეგენდარულ მსახიობს, კომიკოს ჯიმ კერის ყოფილი მეგობარი გოგონას, კატრიონა უაიტის თვითმკვლელობამდე მიყვანაში ადანაშაულებენ.

გარდაცვლილის ყოფილი ქმარი უაით მარკი აცხადებს, რომ 54 წლის კერი გოგონას ძლიერმოქმედი პრეპარატებით ამარაგებდა.

კატრიონას ექსქმარმა, რომელიც უაიტთან გაშორებული იყო, თუმცა ოფიციალურად კვლავ მის ქმრად ითვლება, ჯიმ კერის სასამართლოში უჩივლა. მისი თქმით, მსახიობმა ცნობადობა და გავლენა გამოიყენა იმისთვის, რომ აკრძალული მედიკამენტები შეყვარებულისთვის მიეწოდებინა.

სარჩელში აღნიშნულია, რომ აბების შეფუთვაზე კერის ფსევდონიმი, „მეფე არტური“ ეწერა.

ამასთან, პოლიციამ კატრიონას ტელეფონში შეტყობინებები აღმოაჩინა, სადაც ის კერის ეკითხება, თუ სად დევს ტკივილგამაყუჩებელი აბები.

ჯიმ ქერი და კატრიონა უაიტი 2012 წლიდან ხვდებოდნენ, თუმცა რამდენიმე თვის შემდეგ დაშორდნენ. 2 წლის შემდეგ მათ კვლავ გააგრძელეს ურთიერთობა. გასული წლის სექტემბერში წყვილი ერთმანეთს კვლავ დაშორდა, რის შემდეგაც კატრიონამ თვითმკვლელობით დაასრულა სიცოცხლე.

სამედიცინო ექსპერტიზის შედეგად ცნობილი გახდა, რომ კატრიონას გარადაცვალება დიდი რაოდენობით სამედიცინო პრეპარატების - საძილე , ადრენალინის აბებისა და ტკივილგამაყუჩებლებისა და ბეტა-ბლოკერების მიღებას გამოიწვია.

როგორც დასავლური მედია წერს, კატრიონამ ჯიმ კერისთან დაშორება ვერ გადაიტანა და სიცოცხლე თვითმკვლელობით დაასრულა. რამდენიმე დღეში კატრიონას ბოლო წერილი გავრცელდა, რომელიც სიკვდილამდე დაწერა.

„მე სამი დღე გავატარე მარტოობაში. ამ დროს შენ ჩემთან ერთად არ იყავი. მე შემიძლია გავაგრძელო ცხოვრება გატეხილი გულით, მაგრამ ამისთვის ძალა არ მყოფნის. შევეცადე მომეცა შენთვის საუკეთესო, რაც გამაჩნდა. სამწუხაროდ, ვერ ვერკვევი დამკრძალავ პროცედურებში, მაგრამ ვიცი რომ ყველაფერს სწორად გააკეთებ. შენ ჩემი ოჯახი ხარ. მაპატიე, მე არ ვარ ამ სამყაროსთვის“ – წერს კატრიონა უაიტი გამოსამშვიდობებელ წერილში.