რუსეთის საგარეო საქმეთა მინისტრის მოადგილე გაერო-ში საქართველოს დელეგაციას "უსაფუძვლო ბრალდებებში" ადანაშაულებს

მსოფლიო - 11:42, 20 Sep, 2016

3321

რუსეთის საგარეო საქმეთა მინისტრის მოადგილის, გენადი გატილის განცხადებით, საქართველოსა და უკრაინის დელეგაციის მხრიდან გაეროს გენერალური ასამბლეის ფარგლებში რუსეთის მისამართით უსაფუძვლო ბრალდებები ისმის.

ამის შესახებ რუსული მედია იტყობინება.

“ჩვენ მოვისმინეთ ამ დარბაზში საქართველოს წარმომადგენლის მხრიდან გაკეთებული განცხადებები, გვერდითა დარბაზში კი უკრაინის წარმომადგენლების. ვფიქრობთ, რომ მათ გამოსვლებში რუსეთის მიმასამართით უსაფუძვლო ბრალდებები ისმოდა” - განაცხადა გატილოვმა, რომელიც დევნილთა და მიგრანტთა სკაითხისდამი მიძღვნილ გაერო-ს სამიტს ესწრებოდა.

მისი თქმით, „მსგავსი თავდასხმებით ორი ქვეყნის წარმომადგენლებს სურთ არსებულ ვითარებაზე პასუხისმგებლობა სხვას გადააბარონ.“

ორშაბათს, გაერო-ს გენერალურმა ასამბლეამ დაამტკიცა დევნილთა და მიგრანტთა ნიუ-იორკის დეკლარაცია, რომელიც 2018 წლისთვის მიგრაციის პრობლემების დასარეგულირებლად ორი გლობალური შეთანხმების შემუშავებას და მიგრანტების მიღების პასუხისმგებლობის სამართლიან განაწილებას ითვალისწინებს.

გაეროს გენერალური ასამბლეა ნიუ იორკში 13 სექტემბერს დაიწყო და 26 სექტემბრამდე გაგრძელდება.