ბრიტანელი პორტსმენი ძმების ისტორიამ დღეს სრულიად ინტერნეტი მოიცვა.

მექსიკაში, ტრიატლონის ფინალი გაიმართა.

ჩემპიონის ტიტულის მოსაგებად ოლიმპიური თამაშების ვიცე ჩემპიონი ჯონი ბრაუნლი და მისი ძმა, ოლიმპიური ჩემპიონი ალისტერ ბრაუნლი იბრძოდნენ.

ფინიშამდე 300 მეტრამდე ჯონი საგრძნობლად დაწინაურდა და შეიძლება ითქვას, ფინიშამდე მისვლა აღელვების გარეშე შეეძლო.

მას მოშორებით ძმა და სამხრეთამერიკელი ჰენრი შუმანი მოჰყვებოდნენ.

თუმცა, მარათონი მოულოდნელი შედეგით დასრულდა.

ფინიშის ხაზთან მიახლოებული ჯონი ცუდად გახდა და სირბილის გაგრძელება ვერ შეძლო. სპორტსმენი იქვე მდგარ გულშემატკივარს დაეყრდნო. რა დროსაც მას ძმა წამოეწია.

ალისტერი გაჩერდა, ძმას ხელი მოჰკიდა , ფინიშკენ სვლა ერთად განაგრძეს და შეეცადა ძმას ჩემპიონის ტიტულის მოპოვებაში დახმარებოდა.

ამ დროს მათ სამხრეთაფრიკელმა სპორტსენმა გაუსწრო.

ძმების ამაღელვებელ მომენტს გულშემატკივრები ოვაციებით შეხვდნენ, თუმცა ყველაზე დიდი ემოციები მათ წინ ელოდათ. როდესაც ძმები ფინიშის ხაზს მიუახლოვდნენ, ალისტერმა ძმას ხელი ჰკრა , ფინიშის ხაზი გადააკვეთინა და მეორე ადგილი დაუთმო, თვითონ კი ხაზი მესამემ გადაკვეთა. რაც შეეხება შუმანს, მოულოდნელი გამარჯვება არც ისე მოკრძალებულად აღნიშნა.