რუსეთში ძალოვანი და სამართალდამცველი ორგანოების მასშტაბური რეფორმა იგეგმება, რომლის შედეგადაც სახელმწიფო უშიშროების სამინისტრო შეიქმნება. ამის შესახებ რუსული გამოცემა“კომერსანტი” წყაროზე დაყრდნობით იტყობინება.

გამოცემის თანახმად, უწყების შექმნა 2018 წლის საპრეზიდენტო არჩევნებამდე იგეგმება და უსაფრთხოების ფედერალური სამსახურის საფუძველზე ჩამოყალიბდება.

რეფორმის დროს ცვლილებებია დაგეგმილი საგამოძიებო კომიტეტში, რომელიც შესაძლოა,კვლავ რუსეთის პროკურატურას დაექვემდებარის. ამასთან მასში გაერთიანდება საგარეო დაზვერვის სამსახური და დაცვის ფედერალური სამსახურის განყოფილებები.

გამოცემის ცნობით, ცოტა ხნის წინ გაუქმებული საგანგებო სიტუაციების სამინისტროს ფუნქციებს თავდაცვის და შინაგან საქმეთა სამინისტროები შეითავსებენ.

როგორც „კომერსანტი“ წერს, ამ რეფორმის შედეგად, უსაფრთხოების ფედერალურ სამსახურს ფაქტობრივად საბჭოთა კავშირის სახელმწიფო უსაფრთხოების კომიტეტის (КГБ) ფუნქციები მიენიჭება.