წარმატებულ ადამინებს თავისი პატარა ჩვევები აქვთ, რაც დიდი წარმატების მიღწევაში ეხმარებათ. აღმოჩნდა, რომ ეს ადამიანები არამარტო სამუშაო დღეებს, არამედ შაბათ-კვირასაც განსხვავებულად ატარებენ. გაინტერესებთ როგორია წარმატებული ადამიანების დასვენების დღეები? მაშინ ეს სტატია სწორედ თქვენთვის არის...



1. იღვიძებენ ადრე!

წარმატებული ადამიანები არ რჩებიან საწოლში 12 საათამდე. მეცნიერულად დამტკიცებულია, რომ ტვინი საუკეთესოდ მუშაობს გაღვიძებიდან 1-2 საათის შემდეგ. დილა საუკეთესო დროა იმისათვის, რომ მთელი დრო საკუთარ თავს მიუძღვნათ. გააკეთეთ ის საქმე რისი კეთებაც მარტოს გსიამოვებთ, ხოლო დარჩენილი დღე გამოიყენეთ ახლობლებთან ურთიერთობისთვის.

2. ისვენებენ!

დიახ, თქვენ ნამდვილად დაიმსახურეთ დასვენება. გაატარეთ დრო ბუნებაში ან გააკეთეთ ნებისმიერი რამ, რაც მოგწონთ. მიეცით თქვენს თავს უფლება მოეშვათ, რათა შემდეგი კვირა წარმატებით დაიწყოთ.

3. არ იტვირთებიან საქმით!

წარმატებული ადამიანები, საქმეს კვირის დანარჩენ დღეებზე ანაწილებენ. ალბათ, ხშირად შემოგინახავთ საქმე კვირისთვის და როცა ეს დღე დამდგარა მიმხვდარხართ, რომ ასე მოქცევა ცუდი იდეა იყო.

4. თავიდან იცილებენ რუტინულ საქმეს!

რა უნდა იყოს რუტინულ საქმეზე დამღლელი და გამაღიზიანებელი? ნუ გაიფუჭებთ ამ მშვენიერ დღეს ასეთი საქმით.

5. ქმნიან ტრადიციას!

შექმენით თქვენი ტრადიცია ოჯახთან, ან უბრალოდ საყვარელ ადამიანებთან ერთად. იარეთ პიკნიკზე ან ხმაურიან ადგილებში, სადაც თქვენ გსურთ. მთავარია თავს კარგად გრძნობდეთ და როდესაც კვირის სხვა დღეებში თავს ძალიან დაღლილად იგრძნობთ, გაიხსენეთ ეს პატარა ტრადიცია, რომელიც სულ ახლოსაა.

6. აანალიზებენ განვლილ კვირას.

კვირის ბოლოს შეაჯამეთ განვლილი კვირა. თავისი აღმასვლებით და ჩავარდნებით. რით იყო ეს კვირა განსაკუთრებული, რა ისწავლეთ ახალი, რა გააკეთეთ განსხვავებულად, რა წარმატებას მიაღწიეთ? ეს დაგეხმარებათ შემდეგი კვირისთვის მომზადებაში.

7. გეგმავენ შემდეგ კვირას.

ყველა წარმატებული ადამიანი ერთხმად აღიარებს, რომ უმნიშვნელოვანესია დასვენების შემდეგ დაგეგმოთ მომავალი კვირა. გააანალიზეთ რა ამონცანების წინაშე დადგებით შემდეგ კვირას, გაანაწილეთ დრო ყველა ამ საქმიანობაზე და როდესაც დაასრულებთ კვირის დაგეგმვას მიხვდებით, რომ მზად ხართ ორშაბათს მთელი ძალით შეუტიოთ!


ფიქრია ექვთიმიშვილი