17 სექტემბრის ასტროლოგიური პროგნოზი

ეს საინტერესოა - 23:46, 16 Sep, 2016

7541

ვერძი
შანსების გაუმჯობესების დღეა. გავლენიანი ადამიანების მზრუნველობის იმედი გქონდეთ. მფარველები გამოგიჩნდებიან და სასურველის მიღწევას შეძლებთ. ზოგიერთს დიდი ხნის უნახავ მეგობარი დაეხმარება.

კურო
გააუმჯობესეთ ურთიერთობა საქმიან პარტნიორებთან და მეგობრებთან. მომავალში მათი დახმარებით ახალი პროექტების განხორციელებას შეძლებთ. საღამო სასიყვარულო პარტნიორთან ერთად გაატარეთ.

ტყუპი
დაკვირვებულად იმოქმედეთ, პრაქტიკულად იმსჯელეთ. ეცადეთ, წუთიერი სიამოვნების გამო აქამდე მიღწეული არ დაკარგოთ. გაგიუმჯობესდებათ ურთიერთობა ოჯახის წევრებთან და ერთმანეთზე განაწყენებული ნათესავების შერიგებასაც შეძლებთ.

კირჩხიბი
პარტნიორების დახმარებით კარიერული წინსვლა, მატერიალური მდგომარეობის გაუმჯობესება გელით. მოსალოდნელია ქალაქგარეთ მგზავრობა. ზოგი, საზღვარგარეთ გამგზავრებაზე, იქ დაფუძნებაზე დაფიქრდება.

ლომი
გარშემო მყოფებთან ურთიერთობაში ჰამონია დაისადგურებს. გააუმჯობესეთ დამოკიდებულება დაქვემდებარებულებთან. გადაიხადეთ ვალები, გადასახადები. გაუფრთხილდით ჯანმრთელობას.

ქალწული
კარგი დღეა შემოქმედებითი საქმიანობისთვის, ჩართეთ ბავშვებიც. გარშემო მყოფების მიმართ ნუ იქნებით ზედმეტად მომთხოვნი და კრიტიკული. თუმცა, რჩევებს ნუ დაიშურებთ.

სასწორი
გაგიუმჯობესდებათ ურთიერთობა სასიყვარულო პარტნიორთან, მაგრამ ნუ მოდუნდებით. მეტი მზრუნველობა გმართებთ მის და მშობლების მიმართ. მოერიდეთ ფულის ფლანგვას.

მორიელი
გაგიმძაფრდებათ ინტერესი წარსული გართობების მიმართ. მოსალოდენელია სამსახურებრივი რომანის დაწყება. მეტი დრო გაატარეთ მეგობრებთან ერთად.

მშვილდოსანი
მეტი ყურადღება გმართებთ მატერიალური საკითხებისადმი. აკონტროლეთ ხარჯი. გააუმჯობესეთ დამოკიდებულება მშობლებთან, ოჯახის წევრებთან.

თხის რქა
წარმატებული დღე გელით, ყველა სფეროში მიაღწევთ სასურველს. განსაკუთრებული ყურადღება მიაქციეთ განათლების საკითხს, მსოფლმხედველობის გაფართოებას.

მერწყული
საქმიანობა ან მატერიალურ კეთილდღეობას მოგიტანთ, ან მორალურს. შეიძლება მოხდეს ღირებულებათა გადაფასება. დახმარებისთვის ძველი მეგობრებისა და მფარველების შეწუხება ნუ მოგერიდებათ.

თევზები
პრაქტიკა თეორიაზე მნიშვნელოვანია. დახმარებას მეგობრები, კოლეგები გაგიწევენ. გაგიუმჯობესდებათ ურთიერთობა გარშემო მყოფებთან, ოჯახის წევრებთან.