17 სექტემბრის ანონსი

ანონსი - 20:36, 16 Sep, 2016

995

11:00 საათზე- საქართველოს განათლებისა და მეცნიერების მინისტრი ალექსანდრე ჯეჯელავა საქართველოში პირველ „მეცნიერებისა და ინოვაციების თბილისის ფესტივალ - 2016” გახსნის, რომელშიც მონაწილეობას მიიღებენ საქართველოში ევროკავშირის წარმომადგენლობის ხელმძღვანელი ელჩი, იანუშ ჰერმანი, საქართველოს კულტურისა და ძეგლთა დაცვის მინისტრი, მიხეილ გიორგაძე, თბილისის მერის მოადგილე, ნინა ხატისკაცი.

მის.: წერეთლის N118, ”ექსპო-ჯორჯიას“ მესამე პავილიონი

13:00 საათზე - ბოლნისში, კულტურის ცენტრში მწერლები გიორგი ლობჟანიძე, ოქტაი ქაზუმოვი და გურამ მეგრელიშვილი ადგილობრივ მოსახლეობას შეხვდებიან და საკუთარ შემოქმედებას გააცნობენ; საუბარი, ასევე შეეხება კულტურული დიალოგის გაღრმავების მნიშვნელობას. მწერლები მკითხველთან ინტერაქციის რეჟიმში გამართავენ დიალოგს.

14.00 საათზე - მთავარი პროკურატურის შესასვლელთან, კავშირი საფარი ხანუმ ჯეირანოვას თვითმკვლელობასთან დაკავშირებით აქციას გამართავს

საკონტაქტო ტლ: 577 111817

15:00 საათზე - ვაჟას ძეგლის მიმდებარე ხეივანში ‘’თავისუფალი დემოკრატების’’ ლიდერი ირაკლი ალასანია რაიონის მოსახლეობას შეხვდება, სადაც ვაკის მაჟორიტარი დეპუტატობის კანდიდატს გიორგი ნუცუბიძეს წარადგენს. შეხვედრას დაესწრებიან პარტიის სხვა ლიდერები.

15.00 საათზე - პარტია ”თამაზ მეჭიაური-ერთიანი საქართველოს” ჩუღურეთის მე14 ოლქის მაჟორიტარი დეპუტატობის კანდიდატი ბეჟან ხარებაშვილი სპეციალურ განცხადებას გააკეთებს.

მის: ლუბლიანას ქ. # 2/6 (შპს სისხლის ბანკი)

საკონტაქტო ტელ: 595474727

17:30 საათზე - თიბისი ბანკის მხარდაჭერით, სოფელ გარიყულაში (კასპის რაიონი) ძმებ ზდანევიჩების სახელობის თანამედროვე ხელოვნების მე-8 საერთაშორისო ფესტივალი - „ფესტინოვა 16“ საზეიმოდ გაიხსნება.

20:00 საათზე - პროექტის Check in Georgia ფარგლებში, ქალაქ რუსთავის მერიის მიმდებარე ტერიტორიაზე, „რუსთავქალაქობის“ აღსანიშნავად, ქართველი შემსრულებლების მონაწილეობით კონცერტი გაიმართება.