ჟულიან ასანჟი მზად არის აშშ-ის ხელისუფლებას ჩაბარდეს

მსოფლიო - 13:16, 16 Sep, 2016

2168

WikiLeaks-ის დამფუძნებლის ჟულიან ასანჟის განცხადებით, ის მზად არის ამერიკის ხელისუფლებას ჩაბარდეს, მხოლოდ ერთი პირობით - თუკი მის ინფორმატორს, აშშ-ის არმიის ყოფილ ოფიცერს ჩელსი მენინგს შეიწყალებენ.

მსგავსი განცხადება, ვიკილიქსის თვითერის გვერდზე გამოქვყნდა, სადაც აღნიშნულია, რომ ასეთი გადაწყვეტილების მიუხედავად, აშშ-ის ხელისფლების მიერ ნებისმიერი სამართლებრივი დევნა ასანჟის მიმართ, არასამართლებრივია.

საიდუმლო ინფორმაციის გამჟღავნებისვის, ვიკილიქსის ინფორმატორს ბრედლი მენინგს აშშ-ს სასამართლომ 2013 წელს 35 წლიანი პატიმრობა მიუსაჯა. ციხეში ყოფნისას მან სქესისა და სახელის შეცვლის შესახებ განცხადება შეიტანა.

2014 წელს სასამართლომ დააკმაყოფილა მისი თხოვნა სახელის შეცვლის შესახებ და ბრედლი ჩელსით შეუცვალა, 2015 წელს კი ჰორმონალური თერაპიის კურსის გავლის უფლება მისცეს.

მიმდინარე წლის 10 სექტემბერს ჩელსის შიმშილობა გამოაცახადა და სქესის შეცვასთან დაკავშრებით ქირურგიულ ჩარევაზე უარის თქმა გააპროტესტა. მას შემდეგ რაც მას ხელისუფლების წარმომადგენლები შეხვდნენ, ჩელსიმ შიმშილობა 14 სექტემბერს შეწყვიტა.

საიდუმლო დოკუმენტაციის გამოქვეყნების გამო, ჟულიან ასანჟის წინააღმდეგ საქმეა აღძრული. 2012 წელს, დიდ ბრიტანეთში ეკვადორის საელჩომ ასანჟის თავშესაფარი მიანიჭა და დღემდე იქ იმყოფება. დიპლომატიური მისიის დატოვების შემთხვევაში მას დაპატიმრება ემუქრება.

ამავდროულად, შვედეთში მას ორი ქალის გაუპატიურებაში ადანაშაულებენ და მის ექსტრადირებას ითხოვენ. თავად ასანჟი ამ ბრალდებას კატეგორიულად უარყოფს.