სუსტ ახალშობილებს ორმოში ყრიდნენ - სპარტელების აღზრდის 5 შოკისმომგვრელი ფაქტი

ეს საინტერესოა - 13:08, 15 Sep, 2016

28667

სპარტელი მეომრების სიმამაცესა და თავდადებაზე ლეგენდები დადის. ამბობენ, რომ ქალაქს კედლები არ ერტყა, რადგან ითვლებოდა, ადგილობრივი მეომრები ნებისმიერ შემოსევას გაუმკლავდებოდნენ.

ამბობენ, სპარტელების სიმამაზე მათი აღზრდის შედეგი იყო.

აღზრდის მეთოდები კი იმდენად მკაცრი და დაუნდობელი იყო, რომ ჩვენს თანამედროვე ცხოვრებაში ბარბაროსობად აღიქმება.

5 შოკისმომგვრელი ფაქტი სპარტელი ბიჭების აღზრდის შესახებ:

სუსტი ბავშვები ვერ გადარჩებოდნენ

ითვლებოდა, რომ სპარტაში დაბადებული ყოველი მეორე ბავშვი, ჩვილობისას იღუპებოდა.

ეს ყველაფერი ხდებოდა იმიტომ, რომ ბავშვის მამა ვალდებული იყო ჩვილი უხუცესებთან წაეყვანა, რომლებიც ბავშვს „ათვალიერებდნენ,“ ნაკლის აღმოჩენის შემთხვევაში კი მამას უბრძანებდნენ, ბავშვი ორმოში ჩაეგდო, სადაც ის იღუპებოდა.

ყაზარმა 7 წლიდან
დედებს შვილებზე ზრუნვა დიდი ხნით არ შეეძლოთ. 7 წლიდან - ბიჭები სპეციალურ ყაზარმებში მიჰყავდათ, სადაც ისინი ზედამხედველის მეთვალყურეობის ქვეშ ცხოვრობდნენ. ზედამხვედველი ე.წ. მასწავლებლის როლსაც ასრულებდა. თუკი ბიჭებს უთანხმოება მოუვიდოდათ, მასწავლებელი აიძულებდა მათ მუშტით გაერკვიათ ყველაფერი. ასევე მას ჰქონდა მათრახი, რომელსაც რეგულარულად იყენებდა დამნაშავის დასასჯელად.

ქურდობის წახალისება

სპარტელები ბიჭებს მინიმალური საჭირო ნივთებით უზრუნველყოფდნენ. მაგალითად, ფეხსაცმელი, უკვე ფუფუნების ნივთად ითვლებოდა, ამიტომაც ბიჭები ფეხშიშველები დადიოდნენ. საკვებსაც იმდენს აძლევდნენ, რომ ისინი შიმშილით არ დახოცილიყვნენ. მეორეს მხრიც, საჭმლის მოპარვა აკრძალული არ იყო, თუმცა ქურდობაში არ უნდა გამოეჭირათ. თუკი ბიჭებს ქურდობაში გამოიჭერდნენ, სასტიკად ცემდნენ.

სახალხოდ ცემა
ყოველწლიური ფესტივალი Diamastigosis-ის სახელწოდებით სხვა არაფერი იყო, თუ არა ბიჭების საჯაროდ ცემა სიკვდილამდე.

მასში მონაწილეობის მიღება დიდი პატივი იყო. ბავშვებს თავად სურდათ, რომ ეცემათ. ისინი ოცნებობდნენ დაემტკიცებინათ, რომ იმაზე მეტი შეეძლოთ, ვიდრე მათზე ფიქრობდნენ.

ეს იმდენად უცნაური იყო, რომ რომაელები სპარტაში სპეციალურად ამ დღესასწაულზე ჩადიოდნენ. სპარტელებმა თეატრის მსგავსიც კი შექმნეს, სადაც ბილეთებს ყიდნენ.

სპარტელების სიკვდილი

სპარტანელების სიბერით სიკვდილი სირცხვილი იყო. ასეთ ადამიანებს უსახელო სასაფლაოზე კრძალავდნენ. სახელიანი სასაფლაოს მოსაპოვებლად, მამაკაცები ბრძოლაშიუნდა დაღუპულიყვნენ. ასეთ მებრძოლს პატივით კრძალავდნენ. ქალებსაც შეეძლოთ მსგავსი სასაფლაოზე "მოხვედრა", იმ შემთხვევაში, თუ მშობიარობისას გარდაიცვლებოდნენ.