ლუქსემბურგის საგარეო საქმეთა მინისტრი უნგრეთის ევროკავშირიდან გარიცხვას ითხოვს

მსოფლიო - 13:30, 13 Sep, 2016

1964

ლუქსემბურგის საგარეო საქმეთა მინისტრი ჟან ასელბორნი ევროპული ღორებულებების უგულვებელყოფის გამო უნგრეთის ევროკავშირიდან გარიცხვის ინიციატივით გამოდის.

“ჩვენ არ შეგვიძლია ევროკავშირის ფუნდამენტური ღირებულებების დარღვევა დავუშვათ. ის, ვინც უნგრეთის მსგავსად, ომის გამო გამოქცეული ლტოლვილების წინააღმდეგ ღობეს აშენებს ან ზღუდავს პრესისა თავისფლებსა და სასამართლოების დამოუკიდებლობას, უნდა იყოს დროებით, ან უკიდურეს შემთხვევაში, სამუდამოდ გარიცხული ევროკავშირიდან” - განაცხადა ასელბორნმ Die Welt-თან ინტერვიუში.

მისი თქმით, ახლა ევროკავშირი უნგრეთს, „არავითარ შემთხვევაში არ მიიღებდა“. „ისეთი ადამიანები, როგორიცაა ორბანი (უნგრეთის პრემიერი), ცდილობენ დაგვარწმუნონ, რომ ევროკავშირი - ეს არის გაერთიანება, რომელიც მიზნად ისახავას საერთო ღირებულებების დაცვას, თუმცა რეალურად ეს არ შეუძლია“ - განაცხადა ასელბორნმა.

ჟან ასელბორნის მოსაზრებით, საჭიროა ლისაბონის შეთანხმების შეცვლა.

ლისაბონის შეთანხმების თანახმად, ევროკავშირიდან ქვეყნის გარიცხვისთვის ან წევრობის დროიებით შეჩერებისთვის, ყველა წევრი სახელმწიფოს თანხმობაა საჭირო.

შეგახსენებთ, უნგრეთის პრემიერ-მინისტრის ვიქტორ ორბანის განცხადებით, მიგრანტების ნაკადის შესაჩებლად უნგრეთი სერბეთის საზღვარზე მეორე ღობეს ააშენებს.

მისი ინფორმაციით, მეორე ღობე უკვე არსებული ღობის გასწვრივ აშენდება.