მეამბოხე ლიბიელი გენერლის ხალიფა ხაფტარის მეომრებმა ლიბიის უდიდესი ნავთობტერმინალების მიმართულებით მძლავრი შეტევა წამოიწყეს. აღნიშნულ ტერმინალებს ლიბიის გარდამავალი მტავრობა აკონტროლებს, რომელსაც გაერო უჭერს მხარს.

გენერალი აცხადებს, რომ მისმა მებრძოლებმა დაიკავეს ქვეყნის უდიდესი პორტები რას-ლანუფე და სიდრე, რომელთაგანაც მიმდინარეობს ძირითადად ნავთობის ექსპორტი. თუმცა ამ ფაქტს არც ხელისუფლება და არც საერთაშორისო მედია არ ადასტურებს. BBC-ს ცნობით პორტებზე მართლაც განხორციელდა თავდასხმა, თუმცა ის მოგერიებული იქნა.

გენერალი ხაფტარი ყველაზე გავლენიანი სამხედრო ლიდერია ლიბიაში. იგი თავის დროზე მუამარ კადაფის არმიაში მსახურობდა, თუმცა შემდეგ მას ოპოზიციაში ჩაუდგა.

გენერალი მხარს არ უჭერს გაეროს მიერ აღიარებულ ეროვნული თანხმობის მთავრობას და ე.წ. დროებით მთავრობას ემსახურება, რომელიც ქვეყნის აღმოსავლეთ რეგიონებს აკონტროლებს.