სირიაში ცეცხლის შეწყვეტის საკითხზე შეერთებულ შტატებსა და რუსეთს შორის მიღწეული შეთანხმების ამოქმედებიდან რამდენიმე საათით ადრე ამბოხებულების მიერ კონტროლირებად რეგიონებზე მასშტაბური ავიაიერიშები განხორციელდა. 10 დღიანი ზავი ორშაბათიდან უნდა დაწყებულიყო, რასაც "ისლამური სახელმწიფოს" მიერ კონტროლირებად ტერიტორიებზე იერიშები უნდა მოჰყოლოდა.

ავიადარტყმებს საერთო ჯამში 100-ზე მეტი ადამიანი ემსხვერპლა. 60 ადამიანი ქალაქ იდლიბში, ბაზრის ტერიტორიის დაბომბვას დროს დაიღუპა, 90-ზე მეტი კი დაშავდა. დაიბომბა ალეპოს მახლობლად მდებარე ორი ქალაქიც, რასაც 45 ადამიანი ემსხვერპლა.

ოპოზიციური ძალები მომხდარში რუსეთის ავიაციას ადანაშაულებენ.