აშშ-ის პრეზიდენტობის კანდიდატს სირიის ქალაქ ალეპოზე წარმოდგენა არ აქვს (ვიდეო)

მსოფლიო - 13:19, 09 Sep, 2016

2020

აშშ-ში, "ლიბერტარიანული პარტიიდან" საპრეზიდენტო კანდიდატს გერი ჯონსონს, რომელსაც ნოლო კვლევების თანახმად, გამოკითხულთა 7% უჭერს მხარს, სირიის ქალაქ ალეპოზე წარმოდგენაც არ აქვს.
MSNBC-სთან ინტერვიუში ჟურნალისტმა ჯონსონს კითხვა დაუსვა, რას აპირებდა ალეპოსთან დაკავშირებდით პრეზიდენტად არჩევის შემთხვევაში.
ჯონსომა კი წამყვანს ალეპო რამდენჯერმე გაამეორებინა, რადგან ვერ მიხვდა კითხვა რას ეხებოდა.

შეგახსენებთ, ბოლო 4 წელიწადია სირიის ქალაქი ალეპო ფაქტობრივად ორ ნაწილად არის გაყოფილი - ქალაქის დასავლურ ნაწილს სირიის არმია, აღმოსავლურს კი მისი მოწინააღმდეგეები აკონტროლებენ.
ასადის არმია რუსეთის დახმარებით ქალაქზე ავიადარტყმებს ახორციელებს და აცხადებს და იერიშები "ისლამური სახელმწიფოს" წინააღმდეგ არის მიმართული.
ბოლოს განხორციელებული იერიშის შედეგად, ალეპოში 34 ადამიანი დაიღპა. დაღუპულთა შორის რამდენიმე ბავშვია. ამის შესახებ განცხადებას სირიის ადამიანის უფლებათა მონიტორინგის ცენტრი ავრცელებს.
ცენტრის ინფორმაციით, დაბომბვები რუსული და სირიული ავიაციის მიერ განხორციელდა და ძირითადად ასადის რეჟიმის მოწინააღმდეგეთა პოზიციების მიმართულებით განხორციელდა, ქალაქის ზოგიერთ რაიონში ე.წ. "კასრი-ბომბები" ჩამოაგდეს. ბაშარ ასადს ალეპოში ქიმიური ბომბების გამოყენებაშიც ადანაშაულებენ.