პოლონეთის ჩრდილო-დასავლეთით, პომერანში , შეცინის შტაბ-ბინასთან ერთად ტერიტორიული თავდაცვის დოკუმენტის აღსრულება იწყება.
აღნიშნულ დოკუმენტს , მიმდინარე წლის აპრილში პოლონეთის თავდაცვის მინისტრმა გჟეგოჟ კვასნიაკმა მოაწერა ხელი.
დოკუმენტის თანახმად, პოლონეთი რუსეთის მხრიდან მომავალი საფრთხეების აღსაკვეთად მოხალისეთა რაზმებს ქმნის. ტერიტორიული თავდაცვის 17 ბრიგადაში, დაახლოებით 35 ათასი მოხალისე გაერთიანდება.
როგორც თავდაცვის მინისტრმა აღნიშნა, ამგვარი ქვედანაყოფის შექმნის მიზანს უკრაინის კონფლიქტის მსგავსი ჰიბრიდული ომისთვის მომზადება წარმოადგენს. თითოეული მოხალისე კი ყოველთვიურად 500 ზლოტს (დაახლოებით 125 ევროს) მიიღებს.
უკრაინის კრიზისის დაწყებიდან პოლონეთში მოხალისეთა ფორმირებების რაოდენობა გაიზარდა. მათი შემადგენლობა 12 ათასს აღწევს. 7-დან 17 ივნისამდე პოლონეთის მოხალისეთა რაზმები პირველად ნატო-ს წვრთნაში ჩაერთვებიან.
მასალის გამოყენების პირობები






