თურქეთის პრეზიდენტი მზადყოფნას აცხადებს ე.წ „ისლამური სახელმწიფოს“ დედაქალაქის რაქას ასაღებ სამხედრო ოპერაციაში მონაწილეობა ამერიკასთან ერთად მიიღოს. მისი თქმით, ეს შეთავაზება ამერიკისგან უკვე მიიღო.

ერდოღანის განცხადებით, თურქი და ამერიკელი სამხედროები აღნიშნული ოპერაციის დეტალების განსახილველად უახლოეს პერიოდში შეიკრიბებიან.

ამ დრომდე ამერიკა აღნიშნულ საქმეში ფსონს ქურთთა „დემოკრატიულ არმიაზე“ აკეთებდა. თუმცა მათ დაპირება ვერ შეასრულეს, მათი შემადგენლობიდან არაბული ფორმირებების გასვლის შემდეგ კი „დემოკრატიული არმია“ პრაქტიკულად დაიშალა.

როგორც kavkazcenter.com-ი წერს, არსებობს ვარაუდი, რომ რაქას აღების ოპერაციაში მონაწილეობის სანაცვლოდ თურქეთი ამერიკისგან ფეთჰულა გიულენის გადმოცემას და მისი ორგანიზაციის საბოლოო განადგურებას მოითხოვს, ამასთანავე kavkazcenter.com-ი იმაზეც ამახვილებს ყურადღებას, რომ თურქული სამხედრო ძალის სირიაში შესვლამ საკმაოდ დუნე პასუხი მიიღო ასადის რეჟიმისგან და პრაქტიკულად არანაირი რუსეთისგან.