გუშინ, 7 სექტემბერს, Apple-მა მსოფლიოს iPhone 7 წარუდგინა.

ახალი მოდელი განსაკუთრებული ვიზუალური ცვლილებით არ გამოირჩევა. ცვლილება ფერშია, ძველ შავ ფერს და ახალი, პრიალა შავი დაემატა, რომელსაც კომპანია Jet Black-ს უწოდებს.

ყველაზე მნიშვნელოვანი სიახლე tელეფონის წყალგამძლეობაა.

ანუ, ამიერიდან ტელეფონის დასველება სახიფათო აღარ იქნება.

აღსანიშნავია, რომ ახალ აიფონს აღარ აქვს ყურსასმენის სტანდარტული 3,5 მილიმეტრიანი შესაერთებელი. ამიერიდან სადენიანი ყურსასმენები (EarPods) ტელეფონის ერთადერთ, Lighning შესაერთებელში მოთავსდება. თუმცა, აიფონს ახალ EarPods-თან ერთად, Lighning-ის 3,5 მმ-იან ჯეკზე გადამყვანიც მოჰყვება, რათა მომხმარებლების უდიდესმა ნაწილმა კვლავ შეძლოს საკუთარი ყურსასმენებით სარგებლობა.

გარდა ამისა სიახლე უსადენო ყურსასმენებია - AirPods . სპეციალური სენსორის დახმარებით, ყურსასმენი ხვდება, როდესაც ყურში თავსდება და ავტომატურად ირთვება. AirPods აიფონს არ მოჰყვება. მისი ღირებულება 159 დოლარი იქნება.

მნიშვნელოვანი განახლება შეეხო ტელეფონის Plus მოდელს. iPhone Plus-სში ორი კამერაა მოთავსებული. რაც საშუალებას იძლევა, გამოსახულება ორჯერ მიაახლოვოთ (zoom), ციფრული ზუმის გარეშე, ოპტიკურად.

iPhone 7 და 7 Plus-ის საწყისი მოდელები 32-გიგაბაიტიანი ვერსიიდან იწყება. მათ, ვისაც აქამდე არსებული მეხსიერება არ აკმაყოფილებდა, შეგიძლიათ შეიძინოთ 128 და 256 გიგაბაიტიანი ტელეფონები.