რუსეთი აშშ-ის საპრეზიდენტო არჩევნებზე გავლენის მოხდენას კიბერშევეტებით გეგმავს.

ამის შესახებ „ვაშინგტონ პოსტი“ დაზვერვის თანამშრომლებსა და კონგრესის წევრებზე დაყრდნობით წერს. გამოცემის თანახმად, აშშ-ის სპეცსამსახური ფართომასშტაბურ საიდუმლო როპერაციას ატარებს, რომელიც მათი თქმით, ამერიკაში რუსეთის გეგმების ლიკვიდაციას ისახავს მიზნად.

გამოცემის თანახმად, როგორც მაღალჩინოსნები აღნიშნავენ, რუსეთის ოპერაციის მიზანს დეზინფორმაციის გავრცელება, ასევე პრეზიდენტის ინსტიტუტისა და არჩევნების მიმართ საზოგადოების ნდობის დაკარგვა წარმოადგენს.

ამერიკის სპეცსამსახურები შეშფოთებულები არიან საპრეზიდენტო არჩევნების პროცესში შესაძლო დესტაბილიზაციით.

უწყების წარმომადგენლები აღნიშნავენ, რომ ჯერჯერობით მათ არ აქვთ იმის მტკიცებულება, რომ რუსები აშშ-ის არჩევნების ჩაშლის ბერკეტებს ფლობენ, თუმცა ბევრი მათგანი აღნიშნავს, რომ არიზონასა და ილინოისის საარჩევნო სისტემაზე კიბერთავდასხმაში რუსეთის მონაწილეობა ეჭვგარეშეა.

„სპეცსამსახურის წარმომადგენლების განცხადებით, შესაძლოა, კრემლის მიზანს არ წარმოადგენს ხმის მიცემის შედეგებში ცვლილება, არამედ ქაოსის შექმნა და პროპაგანდისტული მასალების შეგროვება რაც ძირს უთხრის აშშ-ის მცდელობას, მსოფლიოში დემოკრატიის დამყარებაში, განსაკუთრებით ყოფილი საბჭოთა კავშირის ქვეყნებში“ - ნათქვამია სტატიაში.

შეგახსენებთ, ივლისში დემოკრატიული პარტიის შტაბზე ჰაკერული თავდასხმა განხორციელდა. აშშ-ის ხელისუფლებამ კიბერშეტავაში რუსეთი დაადანაშაულა, რასაც რუსული მხარე კატეგორიულად უარყოფს.

რამდენიმე დღის წინ, ამერიკის შეერთებული შტატების პრეზიდენტობის "დემოკრატმა" კანდიდატმა ჰილარი კლინტონმა სანდო წყაროებზე დაყრდნობით განაცხდა, რომ რუსეთი ამერიკის საპრეზიდენტო არჩევნებში ერევა, რის გამოც დემოკრატებსა და რესპუბლიკელებს შესაბამისი რეაგირებისკენ მოუწოდა.