გლობალური დათბობის გამო, ოკეანეში ადამიანის სიცოცხლისთვის საშიში ტროპიკული დაავადებები ვრცელდება

მსოფლიო - 15:49, 06 Sep, 2016

9171

გლობალური დათბობების გამო, ოკეანეში ისეთი დაავადებები ვრცელდება, რომლებიც ცხოველებისა და ადამიანების ჯანმრთელობას საფრთხის ქვეშ აყენებს.

„ბიბისის“ ცნობით, აღნიშნულ დასკვნამდე 80 მეცნიერი მსოფლიოს 12 ქვეყნიდან ბუნებისა და ბუნებრივი რესურსების დაცვის საერთაშორისო კავშირის (IUCN) მიერ ჩატარებული კვლევის ფარგლებში მივიდა.

კვლევის თანახმად, 1970-იანი წლებიდან მსოფლიო ოკეანეებმა პლანეტის ტემპერატურის ზრდის 93 % შთანთქა ანუ გლობალური დათბობის პროცესში დედამიწის „ფარი“ გახდა.

თუმცა, ამან ოკეანის სისტემა სრულად შეცვალა. კლიმატის ცვლილებებიდან გამომდინარე პლანქტონებმა, მედუზებმა, წყლის კუმ და თევზების ზოგიერთმა სახობამ იმ წყლებში გადაინაცვლეს, რომლებშიც ადრე არსებობა არ შეეძლოთ ძალიან დაბალი ტემპერატურის გამო.

ამ პროცესების გამო , მაგალითად, იცვლება თევზჭერის არეალიც. რაც მსოფლიო სასურსათო უსაფრთხოებას საფრთხეს უქმნის.

გარდა ამისა, პრობლემა ექმნებათ ცხოველებისა და ფრინველების კვებასაც, რადგან ისინი საკვებს ჩვეულ ადგილებში ვეღარ მოიპოვებენ, ფრინველები თევზებს ვეღარ დაიჭერენ იმ ადგილებში, სადაც ადრე. გარდა ამისა, ტემპერატურის ზრდამ შესაძლოა წყალლმცენარეების ყვავილობაზე მოახდინოს გავლენა.

თუმცა, მეცნიერთა განმარტებით, მთავარი პრობლემა ისაა, რომ ოკეანეში ტროპიკული დაავადებები ვრცელდება, რაც ადამიანებს სერიოზულ საფრთხეს შეუქმნის.