დაბინძურებული ჰაერი შესაძლოა, ალცჰეიმერის განვითარების ერთ-ერთი ხელშემწყობი ფაქტორი აღმოჩნდეს. ამის შესახებ დიდ ბრიტანეთში მდებარე ალცჰაიმერის დაავადების კვლევის ცენტრის მკვლევარების ახალ დასკვნაშია საუბარი.

მკვლევარებმა ალცჰეიმერის დიაგნოზის მქონე ადამიანების ტვინის ქსოვილებში პატარა მაგნიტური რკინის ოქსიდის ნაწილაკები აღმოაჩინეს.

ტოქსიკური ნივთიერების ნაწილაკები ძირითადად იმ იმ ადამიანების ქსოვილებში აღმოჩნდა, რომლებიც დაბინძურებული ჰაერის მქონე ქალაქებში ცხოვრობენ.

მეცნიერების კვლევაში ნათქვამია, ალცჰეიმერის განვითარებასა და ტვინის ქსოვილებში მაგნიტური რკინის ოქსიდის ნაწილაკების შორის პირდაპირი მიზეზ-შედეგობრივი კავშირი ჯერჯერობით არ დამტკიცებულა, თუმცა შემდგომი კვლელის გაგრძელება აუცილებელია.

ალცჰეიმერის დაავადება თავის ტვინის დეგენერაციული დაავადებაა, რომელიც ხასიათდება ინტელექტის პროგრესირებადი დაქვეითებით. დაავადებაიწვევს ადამიანის თავის ტვინში, ნერვულ უჯრედებს შორის ქიმიური ნივთიერებებით ინფორმაციის გადაცემის დარღვევასა და ნეირონების კვდომას. ის აზიანებს ყურადღებას, მეხსიერებას, აზროვნებას, ემოციებს.