აშშ-ს პრეზიდენტი ბარაკ ობამა აცხადებს, რომ იგი სკეპტიკურად უყურებს პუტინთან სირიის საკითხთან დაკავშირებით შეთანხმების მიღწევას.

ობამამ ეს განცხადება ჩინეთში დიდი ოცეულის შეხვედრის წინ გამართულ პრესკონფერენციაზე გააკეთა.

მისი თქმით, რუსეთსა და აშშ-ს შორის მთავარი წინააღმდეგობა სირიაში მიმდინარე სამოქალაქო ომის დასრულების გზებია. ასევე, რუსეთი და აშშ ვერ თანხმდებიან, თუ რომელი ოპოზიციური დაჯგუფებაა ტერორისტული, და ვისი პოზიციები უნდა დაიბომბოს.

მიუხედავად ამისა, ობამა აცხადებს, რომ აშშ-სა და რუსეთშ შორის მოლაპარაკებები ერთადერთი საშუალებაა ამ პრობლემის მოგვარების საკითში.

სირიის საკითხს ბრიტანეთის პრემიერი ტერეზა მეიც შეეხო და პუტინს მოუწოდა, რომ მან უნდა შეწყვიტოს სირიაში მშვიდობიანი მოსახლეობის დაბომბვა.