კრის ბრაუნი 250 ათასი დოლარის ოდენობის გირაოს სანაცვლოდ გაათავისუფლეს

მსოფლიო - 14:04, 31 Aug, 2016

2112

ამერიკელი მომღერალი კრის ბრაუნი 250 ათასი დოლარის ოდენობით გირაოს სანაცვლოდ გაათავისუფლეს.

ამის შესახებ ლოს-ანჯელესის პოლიციის განყოფილების საიტი იტყობინება.

თავის მხრივ მომღერლის გათავისუფლება დაადასტურა მისმა ადვოკატმაც.

„დიდი მადლობა ყველას მხარდაჭერისთვის. კრისი თავისუფალია და თავს კარგად გრძნობს. მის წინააღმდეგ არსებული ყველა ბრალდება ბუნებრივია, ტყუილია“ - დაწერა მარკ გერაგოსმა თვითერზე.

შეგახსენებთ, დღეს ცნობილი გახდა, რომ ცნობილი ამერიკელი მომღერალი, 27 წლის კრის ბრაუნი შეიარაღებული თავდასხმის ბრალდებით საკუთარ სახლში დააკავეს.

სამართალდამცავთა ცნობით, მომღერალთან სტუმრად მისულმა ქალმა პოლიციაში დარეკა და განაცხადა, რომ ბრაუნი მას იარაღით დაემუქრა.

თავად მომღერალმა დაკავებამდე სოციალურ ქსელში დაწერა, რომ არაფერი ჩაუდენია და როდესაც გაიღვიძა, საკუთარ სახლთან პოლიცია აღმოაჩინა.
ბრაუნი მთელი დღის განმავლობაში უარს აცხადებდა სახლიდან გასვლაზე, თუმცა საბოლოოდ პოლიციას ჩაბარდა.

გოგონა, რომელმაც კრის ბრაუნს უჩივლა მოდელი ბეილი ქურო აღმოჩნდა. მისი თქმით, ბრაუნის სახლში წვეულებაზე იმყოფებოდა, როდესაც ერთ-ერთი სტუმრის ყელსაბამს ათვალიერებდა, რა დროსაც მას მომღერალი იარაღით მიეჭრა და უყვიროდა, მას მოშორებოდა.

მოდელის თქმით მან პოლიციაში დარეკა და ბრაუნის სახლი დატოვა.

მომღერალი წარსულშიც არაერთხელ დაუკავებია პოლიციას, მათ შორის 2009 წელს მომღერალ რიჰანაზე ფიზიკური ძალადობისთვის.