პროფკავშირების თავმჯდომარის განცხადებით, შეკრებილების ამოცანა არეულობის მოწყობა არ ყოფილა, თუმცა თუ რომელიმე პიროვნებამ დაარღვია სამართლებრივი ნორმები, მაშინ სათანადო ღონისძიება არა ყველას, არამედ კონკრეტულად იმ პიროვნების მიმართ უნდა განხორციელებულიყო.

პეტრიაშვილი ჟურნალისტების დაკავების ფაქტსაც ეხმაურება და აღნიშნავს, რომ მსგავსი ქმედება დაუშვებელია.

,,ძალოვანმა სტრუქტურებმა ერთხელ და სამუდამოდ უნდა გაითავისონ , რომ ისინი ემსახურებიან საზოგადოებას და არ უნდა ჰქონდეთ ილუზია, რომ მენტორის ტონით ელაპარაკონ. ჩვენ ვნახეთ ცემის ფაქტები, როდესაც რამდენიმე პოლიციელი ახალგაზრდას ურტყამდა. ეს არის უბრალოდ აღმაშფოთებელი, მეორე მოწოდება იქნება ის, რომ შიგნით იქნეს გამოძიებული ეს ფაქტი და გამოვლენილი იყვნენ ადამიანები, რომელებიც ასეთ აგრესიას იჩენდნენ თავიანთი შვილების ტოლა ბავშვების მიმართ." - აცხადებს პროფკავშირების თავმჯდომარე.