ჯო ბაიდენი ანკარაში იმყოფება

მსოფლიო - 17:41, 24 Aug, 2016

1221

აშშ-ის ვიცეპრეზიდენტი ჯოზეფ ბაიდენი თურქეთს ეწვია.

ჯო ბაიდენი თურქეთის ხელისუფლების უმაღლეს პირებთან დაგეგმილ შეხვედრებზე "ისლამური სახელმწიფოს" წინააღმდეგ მიმდინარე კამპანიაზე იმსჯელებს.

განხილვის ერთ-ერთი მთავარი თემა დაწყებული სახმელეთო ოპერაცია იქნება ანკარაში, სადაც ოფიციალური ვიზიტით ჯო ბაიდენი ჩავიდა.

ვაშინგტონმა უკვე გამოუცხადა მხარდაჭერა ნატოელ პარტნიორს და საჰაერო დახმარება შესთავაზა.

ჯო ბაიდენის ვიზიტისას კიდევ ერთი სასაუბრო თემა არშემდგარი სამხედრო გადატრიალება და ამბოხის მოწყობაში ეჭვმიტანილი ფეთჰულა გიულენის ექსტრადირების საკითხი გახდება.

შეგახსენებთ, დღეს ცნობილი გახდა, რომ თურქეთმა სირიის საზღვართან, ქალაქ ჯერაბლუსთან „ისლამური სახელმწიფოს“ წინააღმდეგ სამხედრო ოპერაცია დაიწყო.

საბრძოლო მოქმედებებში არტილერია, ავიაცია და სახმელეთო ძალები მონაწილეობენ.
ოპერაციას წინ, ისლამისტების პოზიციებზე ავიაიერიშები უძღოდა, რომელშიც მონაწილეობას აშშ-ის ხელმღანელობით კოალიციის ძალებიც იღებდნენ.
ქალაქი ჯერაბლუსი სირია-თურქეთის საზღვარიდან ერთი კილომეტრში მდებარეობს. 2012 წლის 20 ივლისს ქალაქი სირიულმა ოპოზიციურმა ძალებმა დაიკავეს. თუმცა 2013 წლის დასაწყისში კი ქალაქი "ისლამურმა სახელმწიფომ" ჩაიგდო ხელში.