მისი ადვოკატი აცხადებს, რომ ქაიხოსროშვილი თავს დამნაშავედ არ ცნობს.

ქაიხოსროშვილის ადვოკატის კახაბერ ხვისტანის განმარტებით, მას ჯერ ბრალი არ აქვს წაყენებული, დაკავებულია მხოლოდ ბრალდებულის სახით, სისხლის სამართლის კოდექსის 372-ე მუხლით, რაც ითვალისწინებს ექსპერტის დაყოლიებას ყალბი დასკვნის დაწერაზე.

,,საკმაოდ დიდხანს ვესაუბრე, ხომ არ იყო მისი მხრიდან რაიმე მუქარა, დაპირება იმისათვის, რომ ექსპერტებს გაეცათ ყალბი დასკვნა. მინდა გითხრათ, რომ მსგავსი არაფერი მომხდარა", - აცხადებს ხვისტანი.

,,ტექ-აგრო-სერვისის" მენეჯერი ბადრო ქაიხოსროშვილი დაკითხვის დროს ზეწოლებზე საუბრობს და აცხადებს, რომ არსებობენ ადამაინები, ვინც ამას დაადასტურებენ. ბადრი ქაიხოსროშვილის განმარტებით, პრემიერს არასწორი ინფორმაცია მიუტანეს გაუმართავ ტრაქტორებთან დაკავშირებით.