გვანცა ადამია თბილისის ივანე ჯავახიშვილის სახელობის სახელმწიფო უნივერსიტეტის იურიდიული ფაკულტეტის მეორე კურსის სტუდენტია. ის "საქართველოს ვარსკლავის" ერთ-ერთი კონკურსანტი იყო, თუმცა საფინალო ტურში ვერ გავიდა.

შეგახსენებთ, რომ მესამეკურსელი სტუდენტი გუშინ თსუ-ს მეორე კორპუსის მესამე სართულის კიბის მოაჯირიდან შეყვარებულმა გადმოაგდო. თვითმხილველთა თქმით, ფიზიკის დიდი აუდიტორიის წინ მდგარმა შეყვარებულებმა იკამათეს, რის შემდეგაც ბიჭმა გოგონა ხელში აიყვანა და მოაჯირიდან გადააგდო.

დანაშაულში ეჭვმიტანილი თსუ-ს უსაფრთხოების სამსახურის თანამშრომლებმა დააკავეს და პოლიციას გადასცეს. სისხლის სამართლის საქმე განძრახ მკვლელობის მცდელობის მუხლითაა აღძრული. დაშავებულს სასწრაფო ოპერაცია ჩაუტარდა. მედიკოსების განცხადებით, მისი მდგომარეობა მძიმეა და გადატანილი ოპერაციის სირთულეს შეესაბამება.

სიმაღლიდან ვარდნის გამო გოგონამ მრავლობითი ნახეთქი ჭრილობები მიიღო და ღვიძლიც დაუზიანდა. გოგონას მდგომარეობა ამ დრომდე მძიმეა.