დაკავებული არიან სოფლის მეურნეობის სამინისტროს მაღალი თანამდებობის პირები

სამართალი - 21:12, 01 May, 2013

1609

,,2012 წელს სოფლად მცხოვრები მოსახლეობის დახმარების მიზნით სახელმწიფო ბიუჯეტიდან გამოიყო 54 მილიონი ლარი , რაც უნდა მოხმარებოდა მოსახლეობის კუთვნილი მიწების ხვნა-თესვას. მთავრობის მიერ გამოყოფილი 50 მილიონი ლარის სასოფლო-სამეურნეო ტრაქტორებისა და სხვადასხვა საჭირო აგრეგატების შესყიდვა შპს ,,მექანიზატორს" დაევალა.

კონტროლისათვის შეიქმნა სპეციალური ჯგუფები, რომლებშიც შედიოდნენ, როგორც სოფლის მეურნეობის სამინისტროს ასევე შპს ,,მექანიზატორის" მაღალი თანამდებობის პირები.

სასოფლო-სამეურნეო ტექნიკის შერჩევისა და შესყიდვის დროს სხვადასხვა საწარმოს მიერ შემოთავაზებული პრაქტიკულად თანაბარი სპეციფიკაციების მქონე ტრაქტორებს შორის უპირატესობა დანაშაულებრივად მიენიჭა უარესს, რის შედეგადაც ერთ ერთეულ ტრაქტორში გაიფლანგა დაახლოებით 10 00 ევრო. 2013 წლის იანვრის თვეში განხორციელდა ტრაქტორებისა და საჭირო ტექნიკის შეძენა რა დროსაც თანამდებობის პირებმა დანაშაულებრივი ქმედებით გაფლანგეს მოსახლეობის დასახმარებლად სახელმწიფო ბიუჯეტიდან გამოყოფილი 2 მლ 500 ათასი ლარი და მხილებულმა პირებმა დანაშაულის დასაფარავად ზეწოლა მოახდინეს სისხლის სამართლის საქმეზე მომუშავე ექსპერტთა ჯგუფზე,რათა მიეღოთ მათთვის სასურველი დასკვნა და თავი აერიდებინათ სისხლის სამართლის პასუხისმგებლობისათვის.

ჩატარებული ოპერატიული და სამძებრო ღონისძიებების შედეგად მხილებულნი და დაკავებულნი იქნენ სოფლის მეურნეობის სამმართველოს უფროსი ომარ თედორაძე , სოფლის მეურნეობის მექანიზაციის ინსტიტუტის დირექტორი ზაზა მახარობლიძე ,შპს მექანიზატორის დირექტორი ვაჟა ნახუცრიშვილი და მისი ორი მოადგილე მამუკა ივანიაძე და ბესიკ თეთვაძე.

აგრარული უნივერსიტეტის პროფესორი ოთარ ქარჩავა სახელმწიფო სახსრების განსაკუთრებით დიდი ოდენობით მითვისება-გაფლანგვაში მონაწილე სხვა პირების დადგენა-დაკავების მიზნით გამოძიება გრძელდება, დანაშაულის სხვა დეტალების შესახებ საზოგადოებას ხვალ 2013 წლის 2 მაისს დეტალურად ეცნობება,"- ნათქვამია განცხადებაში.