"ისლამური სახელმწიფოს" მიერ დაფინანსებულ ინტერნეტ საიტებზე ვრცელდება ომარ ალ შიშანის (თარხან ბათირაშვილი) ანდერძი, სადაც ის თანამებრძოლებს ბრძოლის გაგრძელებისკენ მოუწოდებს.

ანდერძის დასაწყიში თარხან ბათირაშვილი მის დაქვემდებარებაში მყოფ მუჯაჰედებს მოუწოდებს, მიუტევონ ყველა ის წყენა, რომელიც მას ოდესმე მიუყენებია მათთვის და თავად პატიობს მათ მის წინაშე ჩადენილ ყველა დანაშაულს.

"მეორე - არასდროს შეწყვიტოთ ჰიჯრი და ჯიჰადი, რადგან მათშია ჩვენი სულის გადარჩენა," - წერს ბათირაშვილი თავის ანდერძში.

ანდერძის მესამე პუნქტში ალ შიშანი ემირებს მიმართავს და ურჩევს მათ, სანდო პირებისა და ახლო წრის შერჩევისას, ყურადღება არა მათ წარმომავლობას, არამედ რწმენასა და მოვალეობების შესრულების უნარებს მიაქციონ. იგიმათ ამქვეყნიური სიკეთეების და სიმდიდრის უარყოფას ურჩევს, რადგან "გახსოვდეთ, განიკითხებით ყველა იმ ქონების გამო, რაც თქვენს ხელში იყო. არ დაკარგოთ დრო ამქვეყნიური ქონების მიპოვების მისწრაფებაში".

ანდერძის მეხუთე პუნქტში ბათირაშვილი მართლმორწმუნე მუსულმანების მბრძანებელს მის ბრძოლაში წარმატებას უსურვებს. იგი იმედოვნებს, რომ იგი გააერთიანებს მუსულმანებს და ორი წმინდა ადგილის დაუფლებას, ისევე, როგორც იერუსალიმის დაპყრობას.

"და ბოლოს, ო, მართლმორწმუნეთა მბრძანებელო, გთხოვ, არ დაივიწყო კავკასია”, - ნათქვამია ანდერძში.