გერმანიის კანცლერის ანგელა მერკელის თქმით, ის ვერ ხედავს წინაპირობებს იმისთვის, რომ ევროკავშირმა რუსეთს სანქციები მოუხსნას, რადგან რუსეთი არ ასრულებს მინსკის შეთანხმების პირობებს. ინფორმაციას ამის შესახებ გერმანული მედია ავრცელებს.

”ევროპამ უნდა მოახდინოს რეაგირება , ამ ფუნდამენტური პრინციპების დარღვევაზე”- განაცხადა მერკელმა. კანცლერმა ასევე აღნიშნა, რომ ის და საფრანგეთის პრეზიდენტი ფრანსუა ოლანდი, ”მიუხედავად იმ სირთულეებისა, რაც ამ გზაზე წარმოიქმნება” გამოიჩენენ სრულ ძალისხმევას, რათა შეიარაღებული კონფლიქტის მხარეები მინსკის შეთანხმების შესრულების აუცილებლობაში დაარწმუნონ

”ეს არის აუცილებელი პირობა საქციებთან დაკავშირებით მომავალი გადაწყვეტილების მიღებისას”- აღნიშნა მერკელმა.