რუსეთის ქალაქ ბლაგოვეშჩენსკის სტადიონის ღობეზე სპორტული შეჯიბრებების ამსახველი ბანერები გამოაკრეს. ერთ-ერთ მათგანზე ლეგენდარული ამერიკელი მოცურავე მაიკლ ფელპსია გამოსახული, რომელიც სტადიონის ხელმძღვანელობამ ფოტოშოპის დახმარებით რუსად აქცია და მის საცურაო ქუდზე აშშ-ის დროშა რუსულით ჩაანაცვლა, თუმცა გვარის გადაკეთება გამორჩათ. აღნიშნული ფოტოს ინტერნეტში გავრცელების შემდეგ სტადიონის ხელმძღვანელობამ ეს ფაქტი უნებლიე შეცდომად მონათლა და მისი გამოსწორების პირობა დადო.

მაიკლ ფელპსი 5 ოლიმპიადაში მონაწილეობდა და 28 ოლიმპიური მედალი - 23 ოქრო, 3 ვერცხლი და 2 ბრინჯაო მოიპოვა. ის ოლიმპიური თამაშების ისტორიაში, ყველაზე ტიტულოვანი სპორტსმენია.