ინტერნეტში გავრცელებულ სტატიას, რომელშიც ნათქვამი იყო, რომ „ალაბამას შტატის სენატორი ფრედ კალაუნი შეშფოთებულია იმის გამო, რომ ოლიმპიადაზე ჯორჯიის შტატი მონაწილეობს“ საქართველოში აშშ-ის საელჩოც გამოეხმაურა. როგორც საელჩოს ფეისბუკ გვერდზეა ნათქვამი- „სიმართლე რომ ითქვას, ბევრ ამერიკელს ერევა საქართველო ჯორჯიაში, თუმცა, აშშ-ის მეოთხე შტატის, ალაბამას სენატორს - არა“.

13 აგვისტოს US Daily Mail-მა გაავრცელა ინფორმაცია, თითქოს ალაბამას შტატის სენატორი ფრედ კალაუნი შეშფოთებას გამოთქვამს იმის გამო, რომ რიოს ოლიმპიურ თამაშებზე ჯორჯიის შტატს გამოსვლის უფლება მისცეს. გამოცემის ინფორმაციით, სენატორმა საერთაშორისო ოლიმპიურ კომიტეტს წერილითაც მიმართა და მოსთხოვა, მომდევნო ოლიმპიურ თამაშებზე დამოუკიდებლად მონაწილეობის უფლება ალაბამას გუნისთვისაც მიეცათ.

„წუხელ ოჯახთან ერთად ოლიმპიურ თამაშებს ვუყურებდი და შევძრწუნდი, როდესაც ვნახე რომ ჯორჯიას დამოუკიდებელ სუბიექტად მონაწილეობის უფლება მისცეს. ალაბამელი ათლეტები მსოფლიოში ერთ-ერთი ყველაზე ნიჭიერები და ბრძოლისუნარიანები არიან“, – ციტირებს გამოცემა სენატორის წერილს.

საელჩო ფეისბუკსტატუსს სტატიის ბმულსაც ურთავს, სადაც მოყვანილია ის დეტალები, რომელიც დაგარწმუნებთ, რომ ჯორჯიის შტატის ოლიმპიადაზე მონაწილეობით შეშფოთებული სენატორის ისტორია, მოგონილია.

პირველი და მთავარი ისაა, რომ მსგავსი სახელის და გვარის სენატორი ალაბამაში არ არის. მეორე ნიშანი კი ისაა, რომ სტატიას თან ერთვის ძველი სურათი, რომელიც 2010 წელს კაანდაში ზამთრის ოლიმპიადაზე საქართველოს ნაკრების გამოსვლა ასახული და არა 2016 წლის რიოს ზაფხულის ოლიმპიადა.