ავღანეთის პროვინცია ბადგისში მოკლულ ქალბატონს ჰალიმი ერქვა და "Amnesty International“-ის მიერ გავრცელებული ინფორმაციის თანახმად, იგი თვრამეტი ან ოცი წლის იყო.

სანამ ჰალიმის კანონიერი მეუღლე ირანში იმყოფებოდა, იგი მეგობარ მამაკაცთან ერთად გაიქცა, მაგრამ მალევე იპოვეს და მამასთან დააბრუნეს. ამ უკანასკნელმა საქმის გამორკვევა ადგილობრივ უხუცესებს სთხოვა, რომლებმაც დაასკვნეს, რომ გოგონა საჯაროდ უნდა დასჯილიყო. გამოტანილი განაჩენის შესრულება მამამ საკუთარ თავზე აიღო და ქალიშვილი ბრბოს თვლაწინ ცეცხლსასროლი იარაღით მოკლა.

ამ დროისათვის ჰალიმის მამასა და ადგილობრივ უხუცესებს სამართალდამცავები ეძებენ. იმ მამაკაცის შესახებ, რომელთან ერთადაც ჰალიმი გაიქცა, არავითარი ინფორმაცია არ არის ცნობილი.