ჟურნალისტი ბიულენთ ქორუჯუს ვაჟი: დედაჩემი მძევლად აიყვანეს უკვე ხუთი დღეა იმის გამო, რომ ვერ მიაგნეს მამაჩემს

მსოფლიო - 19:21, 10 Aug, 2016

5879

ჟურნალისტ ბიულენთ ქორუჯუ-ს ვაჟი თარიქ ქორუჯუ აცხადებს, რომ პოლიციამ, რომელმაც ვერ მიაგნო სახლში მის მამას და მის მაგივრად აიყვანეს დედა და ხუთი დღეა იზოლატორში იმყოფება. თარიქ ქორუჯუ სოციალური ქსელ “თვითერ“-ის საშუალებით მიმართვას ავრცელებს: “მე ვარ ბიულენთ ქორუჯუ-ს ვაჟი და დედაჩემი ძევლად აიყვანეს უკვე ხუთი დღეა იმის გამო, რომ ვერ მიაგნეს მამაჩემს. ხმა ამოვიღოთ უსამართლობის წინააღმდეგ!“

ბიულენთ ქორუჯუ გახლდათ გამოცემა “ Zaman“-ის ჟურნალისტი მანამ, სანამ აღნიშნულ გამოცემას ხელისუფლება უკანონოდ გააუქმებდა. ამ ფაქტის შემდეგ ჟურნალისტი ქორუჯუ ხელმძღვანელობდა და ეწეოდა ჟურნალისტურ-რედაქტორულ საქმიანობას გაზეთ “Yarına Bakış“-ში.

გაზეთი “ Yarına Bakış“-იც დაიხურა 15 ივლისის სახელმწიფო გადატრიალების მცდელობის შემდგომ პერიოდში, ხოლო 27 ივლისს კი 47 ჟურნალიტის მიმართ (ქორუჯუ-ს ჩათვლით) გაიცა დაკავების ბრძანება.

პოლიციამ, რომელმაც ვერ მიაგნო ჟურნალისტს მის საცხოვრებელ სახლში, დააკავა მისი მეუღლე, ხოლო მის შვილებს დაემუქრნენ იმით, რომ სანამ მათი მამა არ გამოჩნდებოდა, მათაც თანმიმდევრობით დააკავებდნენ.

ჟურნალისტის ვაჟმა თარიქ ქორუჯუ-მ სოციალური ქსელის - “თვითერ“-ის საშუალებით დახმარებისთვის მიმართა ისეთ ცნობილ ჟურნალისტებს, როგორებიცაა: ლევენთ გიულთექინ, ეჯე თემელქურან, ჰაიქო ბაღდათ, აჰმეთ უმით, ჯან დუნდარ და სხვებს.

45 წლის ქალბატონი ჰაჯერ ქორუჯუ, რომელიც პოლიციამ დააკავა, გახლავთ ხუთი შვილის დედა. უდანაშაულო ქალბატონის უფლებების დასაცავად არც ერთი ადვოგათიც არ აღმოჩნდა.

ქორუჯუ-ს დაკავების პარალელურად აგრეთვე დააპატიმრეს გაზეთ “ Zaman“-ის ყოფილი ჟურნალისტები: შაჰინ ალფაი, ალი ბულაჩ, აჰმეთ თურან ალქან, ნურიე აქმან, ლალე ქემალ და მუსტაფა უნალი.