თქვენ, გსმენიათ კურორტ "მზეთამზეს" შესახებ?

შენი რეპორტაჟი - 11:30, 10 Aug, 2016

23235

მეგობრებო,მინდა გაგიზიაროთ ჩემი შთაბეჭდილებები სოფელ "მზეთამზეს" შესახებ, რომელიც მდებარეობს ბორჯომის რაიონში. ზღვის დონიდან 1250 მეტრზე, წაღვერიდან 3 კილომეტრში. მზეთამზეში მრავლად არის საპიკნიკე და სალაშქრო ადგილები,აღარაფერს ვამბობ ჰაერზე და უღრან ტყეზე. ისეთი შთაბეჭდილება მქონდა თითქოს მზე იქიდან ამოდიოდა,ასევე გამაოცა იქ მცხოვრები ადამიანების სტუმართმოყვარეობამ, გირჩევთ ერთხელ მაინც ესტუმროთ ამ ულამაზეს სოფელს და დამიჯერეთ აუცილებლად შეგიყვარდებათ.დავინტერესდი სოფლის სახელწოდებით,გავესაუბრე ადგილობრივ მცხოვრებლებს და ასევე ინტერნეტის საშუალებით მოვიძიე ინფორმაცია,რომელსაც თქვენ გიზიარებთ: სპეციალისტები სოფლის სახელის წარმოშობას უკავშირებენ ქრისტიანობის მიღებამდე მზის სალოცავი კულტის არსებობას. 80-იან წლებში არქეოლოგების მიერ, სოფლის ტერიტორიაზე აღმოჩენილ იქნა რიტუალური სამარხები,რომლებიც ეკუთვნოდათ ქურუმ ქალებს.ისინი დაკრძალულნი იყვნენ ემბრიონის პოზაში და მუცელზე ედოთ მზის ფორმის ბრინჯაოს დისკოები,აღმოჩენილი არტეფაქტები ინახება ბორჯომის მხარეთმცოდნეობის მუზეუმში. საქართველოში სულ აღმოჩენილია 25 -ამდე ბრინჯაოს დისკო და ყველა ბორჯომის რაიონში.ადგილობრივთა გადმოცემით კი სოფლის სახელწოდება სულ სხვა მოვლენას უკავშირდება: ერთ-ერთი ნადირობის დროს,მონადირეებს ტყეში გზა აებნათ და შემთხვევით გამოქვაბულს მიადგნენ,როდესაც გამოქვაბულში შევიდნენ მათ იხილეს ულამაზესი ქალწული და გაოცებისგან აღმოხდათ: მზესავით ლამაზი კიარა "მზეთამზეაო". მეცნიერების მიერ აღმოჩენილი ფაქტები და ადგილობრივთა მიერ მოთხრობილი ისტორიები იმდენად ჰარმონიულად ერწყმის ერთმანეთს,რომ ნამდვილად შეესატყვისება სოფლის სახელწოდებას. ეს არის ჩემი ზაფხულის დღიურის ჩანაწერი,რომელიც არასდოს დამავიწყდება და გავიყსენებ დიდი სიყვარულით.