17 წლის წინ, 1999 წლის 8 აგვისტოს ვლადიმერ პუტინი რუსეთის პრემიერ მინისტრად დაინიშნა. ამ თარიღთან დაკავშრებით, სოციოლოგიური კვლევის ცენტრმა "ლევადა ცენტრმა" რუსეთის მოსახლეობაში გამოიკითხვა ჩაატარა.

გამოკითხვის შედეგად რუსეთის მოსახლეობის 17% გულგრილადაა განწყობილი რუსეთის პრეზიდენტის მიმართ, შედარებისთვის 2015 წელს გულგრილი მოსახლეობის პროცენტი 10 იყო. პიკი ამ მხრივ 2013 წლის მარტში დაფიქსირდა - 22%.

ყველაზე პოპულარული პუტინთან დამოკიდებულების კუთხით არის "არ შემიძლია მასზე რაიმე უარყოფითი ვთქვა" - 31%. მსგავსი პასუხი, მისი პრეზიდენტობის ბოლო წლებში, ყველაზე სტაბილურია.

29%-ს პუტინისადმი დიდი სიმპატიები ამოძრავებს, რაც 2015 წლის მარტის მონაცემებს ჩამორჩება (37%). პუტინით აღფრთოვანებულია 8%, ის სძულს 1%-ს, ხოლო ანტიპატიურადაა განწყობილი 2%.

პუტინს რუსეთის მოსახლეობის 78% ენდობა, ხოლო 18 - არა. 50%-ზე მეტმა განაცხადა, რომ პუტინთან მიმართებაში მათი მოლოდინები და იმედები გამართლდა. იმედგაცრუებული 23&-ია, ხოლო 15% მასზე არანაირ იმედებს არ ამყარებდა.

პუტინის მთავარ მიღწევად მოსახლეობა რუსეთის შეიარაღებული ძალების რეფორმასა და ბრძოლისუნარიანობის გაძლიერებას თვლის. მისი მიღწევებია ასევე რუსეთის პოზიციების გამყარება საერთაშორისო არენაზე, ეკონომიკური გაძლიერება და მშვიდი პოლიტიკური ვითარების შენარჩუნება. 8% მის მიღწევებს ვერ ხედავს.