2014 წლის 6 აგვისტოს, დემოკრატიული სამყაროს მიერ რუსეთისთვის დაწესებული სანქციების საპასუხოდ, პრეზიდენტმა პუტინმა ხელი მოაწერა ამერიკისა და ევროპის ქვეყნებიდან რუსეთის ფედერაციაში ხორცის, თევზის, ყველის, რძის პროდუქტებისა და სხვა სახის საკვების შეტანის აკრძალვის შესახებ.

აღსანიშნავია, რომ შვეიცარული პროდუქცია ამ საქციების სიაში არ მოხვედრილა, მიუხედავად იმისა, რომ ევროკავშირის სანქციებს შეუერთდა. მეტიც - ამ ქვეყნიდან ექსპორტი რუსეთში 5-ჯერ გაიზარდა.

ამ დღის შემდეგ რუსული ტელევიზიებით არაერთხელ გასულა სიუჟეტები ევრო-ამერიკული პროდუქციის დაწვისა თუ ბულდოზერებით განადგურების თაობაზე, დაიწყო პატრიოტული მოძრაობა "ჭამე რუსული",

რომლის აქტივისტებიც მოსკოვისა და პეტერბურგის სუპერმარკეტების ინსპექტირებას ახდენენ და უცხოური პროდუქციის აღმოჩენის შემთხვევაში მასზე სტიკერებს აკრავენ, რომელზეც გამოსახულია, თუ როგორ გლეჯს რუსული

თუმცა, BBC-ს მონაცე,მებით ევროპულ პროდუქციაზე სანქციები, როგორც ჩანს მხოლოდ უბრალო მოკვდავთათვის მოქმედებს, რუსი ჩინოვნიკების მაგიდიდან უცხოური ყველი და სხვა დელიკატესები არ გამქრალა.

აღმოჩნდა, რომ სახელმწიფო შესყიდვების სიაში კვლავ არის უცხოური პროდუქცია, მაგალითად ცნობილი ყველი ბრი, როკფორი, მოცარელა, გრიუერი და დორბლიუ. შესყიდვების ფურცელში, მართალია არ წერია, რომ დელიკატესები უცხოეთიდანაა შესყიდული, თუმცა არც მისი წარმომავლობაა მითითებული.

მოსკოვის მერიის, თავდაცვისა და შს სამინისტროების ოფიციალურ, პროტოკოლურ ღონისძიებებზე ხშირად ნახავთ ბუტერბროდებსა და სალათებს, რომელიც სწორედ ამ ყველითაა დამზადებული.

არ დაგავიწყდეთ ის ფაქტიც, რომ ხშირად ე.წ. სომხეთიდან და ბელორუსიდან შემოტანილი ყველი ძალიან წააგავს იტალიურს, ისევე როგორც თევზისა და ხორცპროდუქტები. მათზე უბრალოდ ეტიკეტებია გადაწებებული. საბაჟო ამ შემთხვევაში უძლურია, ასეთი რამ რუსული კანონმდებლობით აკრძალულია, თუმცა, " საბაჟო კავშირის" ხელშეკრულების თანახმად - არა. ამგვარ ფაქტებზე მხოლოდ როსსელხოზნადზორი რეაგირებს - ხდება შემოტანილი პროდუქციის კონფისკაცია. არესბობს ეჭვი, რომ ამ პროდუქციის მცირე ნაწილი საჯაროდ ნადგურდება, ხოლო მისუმეტესობას სიამოვნებით მიირთმევენ რუსი ჩინოვნიკები.