უკრაინელი ტყვეების გათავისუფლების მოთხოვნით ნადეჟდა სავჩენკო შიმშილობას იწყებს

მსოფლიო - 14:37, 02 Aug, 2016

1864

უკრაინის უმაღლესი რადას დეპუტატი, სამხედრო მფრინავი დანეჟდა სავჩენკო რუსეთსა და დონბასში დაპატიმრებული უკრაინელი ტყვეების გათავისუფლების მოთხოვნით, შიმშილობას იწყებს.

ამის შესახებ სავჩენკომ კიევში გამართულ პრესკონფერენციაზე განაცხადა.

„მე მათ გასათავისუფლებათ ის მეთოდები გამოვიყენე, რომლითაც მსოფლიო ჩემ გამო იბრძოდა. ახლა იმ მეთოდს მივმართაც, რომლითაც საკუთარი თავისთვის ვიბრძოდი“ - განაცხადა სავჩენკომ.

მისი თქმით, პროტესტის უკიდურეს ფორმას „მთელი მსოფლიოს ხელისუფლებების უმოქმედობაზე“ საპასუხოდ მიმართავს და შიმშილობას „დადებითი შედეგის“ მიღებამდე გააგრძელებს.

როგორც სავჩენკომ აღნიშნა, ტყვეების გაცვლის ინიციატივითა და გეგმით პრეზიდენტ პოროშენკოს რამდენჯერმე მიმართა.

„ტყვეების გაცვლასთან დაკავშირებით, პრეზიდენტს რეალური გეგმა შევთავზე: -მათი გადაცემა პირველებმა უნდა დავიწყოთ. თუმცა, ტყვეები პპეტრო ალექსეებიჩის შვილები არ არიან, თქვენი შვილები კი მას არ ადარდებს“ - განაცხადა სავჩენკომ.

ნადეჟდა სავჩენკო უკრაინაში დაახლოებით 2 თვის წინ, რუსეთში ორწლიანი პატიმრობის შემდეგ დაბრუნდა.

სავჩენკო 2013 წლის 17 ივნისს სეპარატისტებმა ტყვედ ჩაიგდეს, რუსი ჟურნალისტის მკვლელობაში დასდეს ბრალი და რუსეთის სპეცსამსახურებს გადასცეს.

მარტში, რუსეთის ქალაქ დონეცკის სასამართლომ ნადეჟდა სავჩენკო, რუსი ჟურნალისტების მკვლელობაში დამნაშავედ ცნო და მას 22 წლით თავისუფლების აღკვეთა მიუსაჯა.

თუმცა, უკრაინის პრეზიდენტის გადაწყვეტილებით, სავჩენკო ორ რუს სამხედრო ტყვეზე - ალექსანდ ეროფეევსა და ევგენი ალექსანდროვზე გაცვალა, რომელთაც კიევის რაიონული სასამართლოს მიერ ტერორიზმის ბრალდებით 14-წლიანი თავისუფლების აღკვეთა ჰქონდათ მისჯილი.