თურქეთი უვიზო რეჟიმს ოქტომბერში ელის, წინააღმდეგ შემთხვევაში მიგრანტების საკითხზე შეთანხმებას აღარ შეასრულებს

მსოფლიო - 12:32, 01 Aug, 2016

10447

თურქეთი ევროკავშირისგან უვიზო რეჟიმის მიღებას მიმდინარე წლის ოქტომბრის შუა რიცხვებამდე ელოდება, წინააღმდეგ შემთხვევაში ანკარა მიგრანტების საკითხზე მიღწეულ შეთანხმებას აღარ შეასრულებს.

ამის შესახებ თურქეთის საგარეო სამქეთა მინისტრმა მევლუთ ჩავუშოღლუმ გერმანულ გამოცემა Frankfurter Allgemeine Zeitung-თან ინტევიუში განაცხადა.

„თუკი ვიზალიბერალიზაციის საკითხი არ გადაწყდება, იძულებულები ვიქნებით უარი ვთქვათ თავშესაფრის მაძიებლებთან დაკავშირებით მიღწეულ შეთანხმებაზე, რომელზეც 18 მარტს შევთანხმდით“ - განაცხადა ჩავუშოღლუმ და აღნიშნა, რომ თურქეთის მთავრობა იმედოვნებს, ევროკავშირი უვიზო რეჟიმის დაწესების კონკრეტულ თარიღებს დაასახელებს.

„ეს შესაძლია იყოს ოქტომბრის დასაწყისი ან შუა რიცხვები, ჩვენ საბოლოო თარიღს ველოდებით“ - დასძინა მინისტრმა.

მარტში მიღწეული შეთანხმების თანახმად, საბერძნეთში ჩასულ ყველა არალეგალ მიგრანტს თურქეთი მიიღებს, სანაცვლოდ, ევროკავშირი თითოეული დაბრუნებული მიგრანტის სანაცვლოდ თურქეთის ტერიტორიიდან ერთ სირიელ ლტოლვილს შეიაფრებს. ამისათვის კი ბრიუსელმა 2016 და 2017 წლებში 3-3 მილიარდი ევრო უნდა გამოუყოს.

ამავდროულად, მიგრანტთა საკითხზე შეთანხმებისა და ვიზალიბერალიზაციის გეგმის შესრულების შემთხვევაში, ევროკავშირი თურქეთის მოქალაქეებს სავიზო რეჟიმის გაუქმებას დაჰპირდა.