თურქეთის პრეზიდენტმა განაცხადა, რომ იგი ქვეყნის ყველა სამხედრო აკადემიის დახურვას აპირებს. იგი აცხადებს, რომ მათ ნაცვლად ქვეყანაში ერთი ეროვნული სამხედრო უნივერსიტეტი უნდა ამოქმედდეს.

ამ ნაბიჯს პრეზიდენტი სამხედრო სფეროში სტრუქტურული რეფორმის ერთერთ ეტაპად მოიხსენიებს, რაც, მისი განცხადებით, სამხედრო გადატრიალების მცდელობის შემდეგ აუცილებლობას წარმოადგენს.

მისი თქმით, ყველა სამხედრო მეთაური თავდაცვის მეთაურის ბრძანებებს დაემორჩილება. გენერალური შტაბი და ეროვნული დაზვერვის სამსახური უშუალოდ პრეზიდენტს დაექვემდებარება.

ერდოღანის განცხადებით ეს საკონსტიტუციო ცვლილებები მალე შევა პარლამენტში დასამტკიცებლად.