კვლავ დაზაბულობაა სომხეთში, სადაც ორგანიზაცია "სასნა ცრერის" შეიარაღებულმა აქტივისტებს პოლიციის შენობა აქვთ ბლოკირებული. მებრძოლებმა მძევლად აყვანილი ექიმები გაათავისუფლესზე, რომელბიც შენობაში ოთხი დღის წინ დაჭრილების დასახმარებლად შევიდნენ. ერთ-ერთმა ექიმმა გაქცევა მოახერხა, დანარჩენი ორი კი აქტივისტებმა გუშინ მომხდარი სროლის შემდეგ გაათავისუფლეს.

სპეცსამსახურმა სასნა ცრერის წარმომადგენლებს იარაღის დაყრისა და შენობის დატოვებისთბისთვის ერთი საათი მისცა, მაგრამ უშედეგოდ. სამართალდამცველების განცხადებით, ულტიმატუმის ვადის ამოწურვის შემდეგ აქტივისტებმა სამართალდამცველებს ცეცხლი გაუხსნეს და ერთი პოლიციელი მოკლეს.

საგუშაგოს შენობასთან გვიან ღამით პოლიციის შენობის მიმდებარე ტერიტორიაზე მებრძოლების მომხრეები შეიკრიბნენ, უსაფრთხოების სამსახურის გაფრთხილების შემდეგ, მათ მსვლელობა ბაგრამიანის მოედნისკენ მოაწყვეს და სამთავრობო შენობებთან შეიკრიბნენ. ისინი აქციის გამართვას პრეზიდენტის ადმინისტრაციასთან გეგმავდნენ, თუმცა ძალოვანებმა ამის საშუალება არ მისცეს. აქცია მშვიდობიანად დასრულდა.